СӤ НО ДАН, МУР ГАЖАН ТЫНЫД, АЗИНЛЫКО РАЙОН КАЛЫК!

Ильнур, 19 февраль 2014 - 12:55

1705

2013-тӥ ар районмылэн социально-экономической улоназ азинскон ар луиз. Быдэс продуктлэн бадӟым люкетэз гурт хозяйствоысь обществоосын поттӥське. Татчы личной хозяйствоосын поттэм продукциез но ватсад ке, районын огъя поттэм вань продуктлэн 51 процентэз гурт хозяйстволы тупа.

Балтась - республикаын пудо вордонъя одӥгез кужмо район. Ортчем аръёсы но пудолэсь лыдзэ кулэстонлы сюрес ӧз понӥськы. Йӧл, 2012-тӥ арен ӵошатыку, 3273 тонналы тросгес поттэмын вал. Гурт хозяйстволэн котькуд 100 гектар музъемезлы 56789 тонна йӧл, 6651 тонна сӥль вузаськиз.

Пудо вордон гидъёсты чылкак выль сямен радъянъя, улонлэн куронъёсызлы тупатыса оборудовать каронъя, выльдонъя, музъем удысын ужан понна выль техника басьтонъя уж нуиськиз, со уж али но азинтӥське. Кылем арын хозяйствоосын ваньзэ 178 миллион 271 сюрс манет тыр туала куронъёслы тупась выль техника но агрегат басьтэмын вал, 55 миллион манетлэсь трос коньдон кутэмын вал пудо вордон гидъёсты выльдон но оборудовать карон понна.

Уксё доходъя хозяйствоос куспын пӧртэмлык бадӟым али. Районын гурт хозяйствоысь продуктъёсты поттонэз будэтонын луонлыкъёс трос. 100 гектар музъемлы «Татарстан» хозяйство кылем арын 4 миллион 295 сюрс, «Смаиль» 3 миллион 697 сюрс, «Алга» 3 миллион 636 сюрс, «Труд» 3 миллион 196 сюрс, «Яна тормыш» 3 миллион 146 сюрс манет тыр продукция поттыны быгатӥзы. Районъя та лыдпус шорлыдын 2 миллион 711 сюрс манет луэ.

Туннэ нуналэ нимаз хозяйствоосын 13814 йыр сюро таза пудо (со чотэ пыре 5031 кысконо скал), 1018 парсь, 5827 ыж но каза, 458 вал вордо. Кылем арын личной подсобной хозяйствоосын ваньзэ 1 миллиард 704 миллион манет тыр гурт продукция поттӥськиз, та, 2012-тӥ арен ӵошатыку, 107 процент луэ. Нимаз хозяйствоос 31561 тонна йӧл поттӥзы но 15800 тонназэ вузазы. Сӥль 11600 тонна поттэмын вал, солэн ог 6000 тоннаез вузамын. Ар секыт луиз ке но, личной подсобной хозяйствоослы тырмыт пудо сиён сётэмын, государственной юрттэт чотын котькуд кысконо скаллы 2 сюрс манетъем субсидия висъяськиз.

Фото: http://www.moytambov.ru/forum/viewtopic.php?f=3&t=486&p=17389&sid=334343cf661733a2dcbceda50d04fa70

Следите за самым важным и интересным в Telegram-каналеТатмедиа

Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.