Семыклы сӥзем «Гуртлэн нуналэз»

30-тӥ мае Кутеш гуртын улӥсь пичиез но бадӟымез «Гуртлэсь нуналзэ» ортчытыны люкаськиз. Инкуазьлэсь вож сэрегзэ празднике лыктэм нылъёслэн но апайёслэн син мальдымон удмурт дэремъёссы, чилясь камалиоссы уката но чебер каризы. Одӥг сэрегын чорыг лым, мукетаз ӝук пӧзьтӥзы, куинетӥяз самовар гужлаз. Калык ачиз но буш киын лыктымтэ - кин пыжем арбериосыныз, кин юзматӥсь юонъёсыныз куно кариз. †ошатсконъёслэн, шудонъёслэн, конкурсъёслэн пумзы-йылзы ӧй вал. Кудаз мылкыд кариськод, сояз пыриськы, быгатонлыктэ, устолыктэ возьматы. Но кыӵе праздник со удмурт кырӟанъёстэк, эктонъёстэк, мызган куаратэк? Вань вал, ваньмыз вань вал: апай сямен но, пиос сямен но эктӥзы.

Праздниклэн одӥг люкетаз гуртысь тодмо но гажамон адямиосты данъязы, ушъязы. Герман Захаровлэн, Ксения Макаровалэн, Геннадий Ефремовлэн, Геннадий Андреевлэн, Николай Романовлэн, Нина Петровалэн, Сергей Макаровлэн интызы тӧрын луиз.

Праздникез калык ас кужыменыз но «Дуслык» хозяйстволэн юрттэменыз ортчытӥз. Сое радъянэ нимысьтыз люкет пыртӥзы гуртлэн старостаез Николай Романов, Сергей Макаров, Георгий Гришкин, Ѓаны школаысь дышетӥсьёс но нылпи садын ужасьёс. «Гуртлэсь нуналзэ» усто нуизы Людмила Мамыкова, Ирина Асанова но Рита Петрова.

Гурт калык праздникез радъясьёслы мур тау каремзэ вераса, ӝутскем мылкыдын, азьпалан но таӵе пумиськонъёслы оскыса таркаськиз.

Фоторепортаж: http://baltaci.ru/tt/2014-10-30-06-54-18/item/8181