Хезмәт

Балтач районы

18+
2024 - Гаилә елы
Азьлане

Шуг-секытъёс луизы ке но

Чутай гуртысь почтальонка Эльмира Фазылзянова республика масштабен ортчытэм конкурслэн «Гурт интыысь почтальонъёс» номинацияз кыкетӥ инты басьтэм. Вормисьёсты 30-тӥ мартэ Казаньын кузьымъёсын пусйизы.

Эльмира почтальонка луыса 6 ар гинэ ужа али. Но сыӵе вакчи дыр куспын но со ассэ гажамон, тыршись ужасен возьматыны быгатэм. 15 ар ӵоже нунал потэм район центре ветлыса ужам Эльмира, гуртазы почтальон кулэ шуэм иворез кылыса, кема малпаськытэк та уже выже. Талы Эльмиралэсь но трос семьяез шумпотэ, малы ке шуоно ӵукналы быдэ хозяйствоя сюлмаськонъёс ваньмыз но картэзлы - Рамильлы кылё вал ук: пиналъёссэ нылпи садэ, школае келян, коркан ӧжытак утялскемез бере ужаз бызён.
- Тау Рамильлы. Район центрын дас арлэсь трос ужаса, мон солэсь одӥг секыт кылзэ но ӧй кылы, лек мылкыдзэ но ӧй шӧды, - шуэ Эльмира.
Нош али, Инмарлы тау, Эльмира гуртаз, котьку семьяез вӧзын. Ини нылпиосыз но бадӟымесь. Алинаез Казаньын дышетске, кыкетӥ нылыз Алсу туэ 9-тӥ классэз йылпумъя, нош Зульфат пиез 2-тӥ классын дышетске.
Ушъямон почтальонкаен матысен тодматскон понна но гуртоосызлэсь малпанъёссэс тодэме потыса, Чутае сюрес кутӥ. Соку Эльмиралэн ӵапак субсидия сётъян дырыз вал. Тани - Фания Насиховалэн юртэз. Татын но Эльмира туж витем куно. Улон-вылонэз сярысь юалляськемез бере, почтальонка кузёлэсь тетрадь куриз. Тунсыко потӥз но:
- Таиз кыӵе тетрадь? - шуыса юай мон.
- Кык паласен валамтэос кылдонтэм понна озьы ужасько. Ку, кӧня уксё сётэмме тетраде гожтӥсько, собере кузёез ки нюртытӥсько. Соослы но, аслым но умой, - шуэ Эльмира.
- Нылы, ог-огмылы ум оскиське шуыса ӧвӧл со, шонер валалэ. Милемлы Эльмиралэн ужамез туж кельше. Небыт кыло, сайкыт ымныро луэмез, лякыт гинэ вераськемез понна ми туж гажаськом сое, - вераськонамы итӥськиз Фания апай.
Эльмираен ӵош та нуналэ туж трос корка пырыны тупаз. Кинлы гинэ ӧй вазиськы ваньзы: «Эльмиралэн котьку но, котьмаиз но радызъя», - шуизы.
Почтальонлэн ужаз шуг-секытъёс трос луизы ке но, Эльмира уг ӝожтӥськы, секыт сумказэ пельпумаз ошыса, арлэн пӧртэм вакытаз кӧня ке иськем ортчыса ветлыны тупа ке но, шумпотыса ужа, малы ке шуоно табере ӵукна ик семьяеныз люкиськыса, кузь сюрес вылэ дыртонэз ӧвӧл ни.

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: 250