Шулдыр улӥськом.

Ильнур, 23 март 2015 - 12:23

1787

Вуж Турья гурт пуксем туж шулдыр интые. Котыр вӧлмытэсь бусыос, паськытэсь возьёс, вань котьмалы узыр нюлэсмы, шуръёсмы, ошмесъёсмы. Гуртмы арысен аре выльме, чеберске. Калыкмы тыршись, азьлань улонлы оскись, шулдыръяськыны яратӥсь.

Милям гуртмы пичи, калыкез но трос ӧвӧл, озьы ке но туж шулдыр, тунсыко улонэн улӥськомы. Люкаськыса клубамы пӧртэм ужрадъёс ортчытъяськом: арлыдоослэсь, анайёслэсь нуналъёссэ пусйиськом, Выль но Вуж Выль арез ӵошен пумитаськом, нылкышноослэсь праздниксэс бадӟым карыса ортчытӥськом, Быдӟым Вормон нуналэз пусйиськом.

Туэ но тулыслэсь нырысь праздниксэ палэнэ ӧм кельтэ. Песянайёсмес, анайёсмес, апай-сузэръёсмес ӟечкыласа туж бадӟым шулдыр ӝыт пумиськон ортчытӥм. Концертэ пыриськизы нылпи садэ ветлӥсь, покчи но шор ёзо классъёсын дышетскись пиналъёс, клубын но школаын ужасьёс, гуртысь активной семьяос.

Залмы тырмемын вал учкисьёсын. Концертмес адӟыны лыктӥзы бускель гуртъёсысь ӵыжы-выжыосмы но. Номеръёсмы туж шулдыресь, мур пуштросъемоесь вал. Кырӟанъёсыз но, эктонъёсыз но, юморескаез но мур кичабконъёсын пумитазы учкисьёсмы. Тау соослы!

Ӝытмы гуртоосмылы туж кельшиз, азьланяз но та выллем ужрадъёс нош но нош мед луозы на шуыса тау карон кылъёссэс вуттӥзы. Праздникмы азинтӥськиз тыр ӝӧк сьӧрын пуконэн, кырӟанэн но юмшанэн. Капчи мылкыдэн дорамы бертӥмы.