Хезмәт

Балтач районы

18+
2024 - Гаилә елы
Азьлане

Шулдыресь мылкыдъёс кельтӥз (фото)

Берпуметӥ гырлы куара чузъяськем дырысен но шӧдскымон дыр ортчиз ини. Озьы ке но праздниклэсь кылем мылкыдъёс али но сюлэмъёсын сайкыт тодэ ваёнъёс луыса уло.

Мыным шуд усиз туэ Покчи Лӧзя школаын ортчем праздникез адӟыны. Ветеран дышетӥсь карыса монэ но ӧтиллям вал. Туж кельшиз мыным праздник: тунсыко карыса, быгатыса-валаса радъяллям вал ужрадэз. Куазез но туэ шулдыр тупаз, пальпотӥсь шунды котыр улослы, люкаськем адямиослы тулыс мылкыд кузьмаз, егит дырез данъяз.

Праздник, котьку сямен, бугыртӥсь минутъёсын узыр луиз. Мазэ веранэз, яратоно школаеныд, дышетӥсьёсыныд но ӵош дышетскем эшъёсыныд люкиськон минутъёс ӝож луо ини. Озьы ке но, ортчем праздник тодамы шулдыресь, егитэсь мылкыдъёс гинэ кельтӥз.

Гажаса ӧтемзылы школалэн коллективезлы, дышетскисьёслы сюлмысь тау. Бадӟым улонэ вамыштӥсь выпускникъёслы - ӟеч сюрес, нош соослы визьнод но мур тодон-валан сётон понна трос кужымзэс понэм дышетӥсьёслы - азьланяз но визьмо дышетскисьёс.

Светлана Гайсина,
дышетон удысысь ветеран.

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: 250