Хезмәт

Балтач районы

18+
2024 - Гаилә елы
Азьлане

Сизнер гуртын праздник

Быдӟым Вормонлы 70 ар тырмон праздникез Сизнер гуртын но бадӟым карыса ортчытӥзы. Клуб дорысь монумент доры тылысь ветеранъёс, гурт калык, пичи дырзы ож вакытлы тупам песяйёсмы, бабайёсмы люкаськизы.

Та ужрадэ ожысь ветеранъёсты бадӟым карыса, гажаса лыктэм куноос но пыриськизы: «Хезмэт» газетлэн валтӥсь редакторез Вакиф Мансурович, «Смаиль» обществолэн директорез Ильхам Мансурович, интыысь аскивалтонъя Смаиль советлэн председателез Рифнур Гайнанович, Смаиль гурт поселениысь ветеранъёслэн советсылэн кивалтӥсез Фаварис Галиевич. Котькудӥз лыктэм куно аслэсьтыз сюлмысен потэм гажан, ӟечкылан кылъёссэ вераз. Соиз жалямон, туннэ нуналлы пӧламы ожысь ветеранъёсмы ӧвӧл ини. Сизнер начальной школаысь нылпиос, Ципья средней школаысь дышетскись нылъёс мур пуштросъемо концерт возьматӥзы − эктӥзы, кырӟазы, кылбуръёс веразы. Оже бырем гуртоосты буре вайыса 1 минут шып сылӥзы.
Сизнер гуртысь та оже 66 адями кошке, соос пӧлысь 36-езлы гинэ бертыны кылдӥз. Концерт учкем бере песяйёсмы, бабайёсмы но куноосмы школае вамыштӥзы. «Смаиль» общество тылысь ветеранъёслы, пичи дырзы жугиськон аръёслы тупам песяйёслы но бабайёслы тыр ӝӧк дасяз. Асьсэлэсь жугиськон дыръя пичи дырзэс тодазы вайыса, синвуаськыса пукизы. Гажаса таӵе бадӟым ужрад ортчытэмзы, тыр ӝӧк сьӧрын куно каремзы понна, та ужрадэз дасясьёслы, школаысь дышетӥсьёслы, дышетскисьёслы, клубын ужасьёслы туж бадӟым тау карон кылзэс веразы.
Фоторепортаж

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: 250