Сямъёсмы но йылолъёсмы — калыкмылэн узырлыкез (+бик күп фото)
Анай кылъёслэн но калык огазеяськонлэн ареныз валче ёросамы трос ужрадъёс ортчо.
Одӥгез сыӵе ужрад — «Сям-йылолъёс — калыклэн узырлыкез» ним улсын ёросысь фольклор коллективъёс пӧлын ялэм фестиваль-конкурс. 3-тӥ оштолэзе Ӟаны гуртысь клубын та фестиваль-конкурслэн быръён этапез ортчиз.
Ужрадэ пыриськизы Ӟаны, Кушкет, Турья, Вукогурт, Починка но Сырья гуртъёсысь фольклор коллективъёс. Учкисьлы ӵектэмын вал удмурт калыклэн пӧртэм сям-йылолъёсыз: аллак коркан пукон, выль нянь сиён, сюан, ним сётон, акашка но ӵӧжы сиён.
«Быръён этапез кыклы люкыса ортчытыны чакламын. Нырысетӥез ортчиз ми дорын 3-тӥ оштолэзе, нош кыкетӥез луыны кулэ сӥзьыл. Отчы пыриськозы со клубъёсысь но Культура юртъёсысь коллективъёс, кудъёсызлэн выступлениоссы сӥзьыллы кельтэмын вал. Собере быръён этапъёс пыр потэм коллективъёс гала-концертын выступать карозы», — ивортӥз милемлы Ӟаны клублэн кивалтӥсез Алевтина Иванова.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев