Сӥё-дано каремъёс пӧлын

Ильнур, 3 июль 2014 - 06:35

1481

Россилэн нуналэз азьын Удмуртилэн Президентэзлэсь ужзэ быдэсъясь В.А.Соловьёв сюлмысен ӟечкылаз промышленностьын, гурт хозяйствоын, наукаын но искусствоын вутскем азинсконъёссы понна Россилэн вылӥ государственной наградаосыныз пусъемъёсты.

Соос пӧлын вань асьме улосчимы Валерий Семёнович Перемечев но. Россилэн Президентэзлэн Указэныз, В.Перемечев пусъемын кыкетӥ степенё «Орден за заслуги перед Отечеством» медален.

Валерий Семёнович вордскиз Вукогуртын, 1969-тӥ арын йылпумъяз Ципья шор ёзо школаез. Казаньысь химико-технологической институтэз йылпумъямез бере, 1975-тӥ арын лэземын вал Ижевскысь научно-исследовательской технологической институтэ (али дыре ОАО «НИТИ» «Прогресс»). Со отын 40 ар ӵоже ужаз наука удысын, ассэ возьматӥз усто инженерен но вылӥ квалификациен специалистэн.

Солэн основной ужез герӟаськемын вал ракетной техникаез азинтонэн, 10 изобретениосызлы сётэмын авторской свидетельствоос, кудъёсыз уже кутӥськизы «Тополь», «Булава», «Ярс» но мукет ракетной комплексъёсын. Али дыре Валерий Семёнович аслаз опытэныз вошъяське коллективысь егит специалистъёсын.

Валерий Семёновичлэн нылыз Ирина гурт хозяйствоя наукаысь кандидат, али дыре ужа Ижевскысь гурт хозяйствоя академиын, нош пиез Дима - проектно-монтажной организациын отделлэн начальникез.

Районын улӥсьёслэн нимынызы ми Валерий Семёновичез сюлмысен ӟечкыласьком государстволэн вылӥ кузьыменыз но сӥзиськом ужаз выль азинсконъёс, улоназ шудбур но каньыллык.

Фото: http://topwar.ru/41245-boevye-nagrady-rossiyskoy-federacii-orden-za-zaslugi-pered-otechestvom.html

Следите за самым важным и интересным в Telegram-каналеТатмедиа

Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.