Хезмәт

Сырья шулдыръяськонъёс (+фото)

Сырьяысь калык но туж активной улонэн улэ,пиналъёс гинэ ӧвӧл – ваньзы но. Быгато соос люкаськыса шулдыръяськыны гужем но, толалтэ но.

Каникулъёслы сырьяос понна клубзылэн заведующийзы Л. Д. Сапожников шулдыръяськон программа дасям. 4-тӥ январе клубын вал «Дюймовочка» выжыкыл сценка (Анна Чернова, Дмитрий Плотников валтӥсь рольёсын). Озьы ик 4-тӥ январе клубын радъямын вал профессиональной фотографен Ильсур Камаловен фотосессия. 5-тӥ январе Сырья нылпиос понна «Иднакар батыръёс – 2009» видеофильм возьматӥзы. Озьы ик нылпиос понна шудонъёс но дискотека ортчытӥзы. Нош 7-тӥ январе куасэн ветлонъёс луизы. Адямиез туж ик трос люкаськымтэ вал ке но, калык дырзэ пайдаен ортчытэм. Кин ке куасэн ветлэм, нош кин ке салазкиен но ледянкаен нискылам. Нош ма кулэ на? «Ымусьтон дыръя туж шулдыр вал, гурезьтӥ салазкиосын нискыламы. Аслад мылкыд каремед луиз ке гинэ шулдыръяськыны луэ ук со, соин но ми тыршиськом маин ке вырыны каникулъёсмы дыръя но», - шуо Сырья егитъёс.

Гожтэмме йылпумъяме потэ Николай Фёдоровлэн верам кылъёсыныз: «Гуртын, городэн ӵошатыса, трослы шулдыргес но тунсыкогес каникулъёсты ортчытыны луэ. Ваньмыз вӧзад – нокытчы мынонэз но ӧвӧл».    

Нравится
Поделиться:
Реклама
Комментарии (0)
Осталось символов: