Хезмәт

Техника нунал потэм кулэ

«Сурнай» районын гурт хозяйстволэн пайдаяськоназ музъемъёссы самой трос луэм вить хозяйстволэн одӥгез.

Нош со музъемъёсын умой пайдаяськыса прибыль басьтон нырысь ик техникаен, отын ужась механизаторъёсын герӟаське. Кылем арын быдэстэм ужлы отчёт лэсьтон собраниын трос механизаторъёсты ушъяса веразы. Андрей Егоров, Владимир Ефремов, Николай Петров, Леонид Степанов ДТ-75, Вячеслав Моисеев, Вячеслав Антонов, Сергей Калинин, Алексей Матвеев, Геннадий Миронов, Рафис Закиров, Ранис Гафетдинов, Евгений Яковлев МТЗ-80, МТЗ-82 тракторъёсын асьсэ азязы пуктэм ужпумзэс чылкыт сюлмын быдэсъяло. Тулыс-сӥзьыл бусы ужъёс дыръя бадӟым юрттэт сётэм ветеран механизаторъёс но гажаса верамон. Вениамин Александров, Василий Кушаев, Владимир Плотников, Аркадий Калинин выллемъёс пудо сиён дасянын но, кизён дыръя но сюлмысен тыршо. Бульдозерен ужась механизаторъёслэн Аркадий Плотниковлэн, Владимир Кожевниковлэн, Т-25, Т-16 тракторъёсын ужась Владимир Антоновлэн, Марсель Якуповлэн, Анис Муртазинлэн, Михаил Плотниковлэн, Семён Тарасовлэн но мукетъёслэн хозяйствоын ужъёслэн умой мынэмаз пыртэм люкетсы бадӟым. Пудо сиён дасянын Юрий Назаров «МакДон», Вячеслав Артемьев, Николай Федотов, Леонид Бегеев, Анатолий Плотников КСК-100 но «Полесье» комбайнъёсын тыршыса ужало. Юосты 4 «Дон» (комбайнёръёс Вазих Яппаров, Альберт Шарипов, Айдар Сафин, Рифат Халилов) но 1 «Акрос» (Ильдус Хафизов) комбайнэн, инкуазь условиос секыт луизы ке но, быдэсак октыса басьтӥллям. Бусыосысь ю-нянь, пудо сиён нуллонын тыршем, огъя вераса, хозяйстволэн ужъёсаз котьку мылысь- кыдысь пыриськем шофёръёс Рафаэль Валиев, Юрий Спиридонов, Александр Терентьев, Сергей Гаврилов сярысь но ушъян кылъёс гинэ верамын вал отчёт собраниын.
Бусы ужын гинэ ӧвӧл, пудо вордонын но техника нунал потэм кулэ. Хозяйстволэн огъя ужаз машинно-тракторной паркысь вылӥ ужазинлык юн шӧдӥське. «Сурнай» хозяйствоын тае ӟеч валало. Комбайнъёсты, прицепной сельскохозяйственной машинаосты толйытыны кулэ куронъёсты быдэстыса пуктӥллям но соосты тупатъянъя ужъёсты йылпумъязы ини. Токарьёс Рафис Гарипов, Сергей Петров, дуриськись Николай Петров, сварщик Талгат Хабибуллин, слесарьёс Ахат Мухамметшин, Ильдус Сабиров, Анатолий Иванов, Александр Силютин, Раис Гильметдинов, Фарук Бадыгиев но мукетъёс хозяйствоысь техникалэн тӥяськытэк ужамаз бадӟым люкет пырто. Собраниын сварщик Владимир Антоновлэсь но сюлмысь ужамзэ нимысьтыз пусйыса веразы.
«Сурнай» обществолэн отчёт собранияз музъем ужан, пудо вордон удысъёсысь ужъёс, проблемаос сярысь но рос-прос вераськизы. Трос учыре ужлэн бервылыз техникаен но герӟаське. Соин ик собрание пыриськем районлэн главаез Рамиль Нутфуллин но, музъемен азинлыко пайдаяськыса вылӥ показательёсы вутскон понна, машинно-тракторной парклэсь кужымзэ ӝутонэз котьку саклык висъян улсын возьыны кулэ шуыса вераз.

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: