Хезмәт

Тылпу потонлэсь утиськы

Районысь исполком арлы быдэ тулысэ пырон азьын улон интыосын тылпу потон кышкытлыклэсь утиськонъя профилактической ужрадъёс ортчытон сярысь постановление кутэ.

Отын предприятиослэн, организациослэн, учреждениослэн, гурт поселениослэн кивалтӥсьёссы но нимаз ужбергатӥсьёс понна ар куспын быдэстоно ужрадъёс рос-прос пусъемын. Соос пӧлысь туж кулэосыз - тылпу потон учыръёсты алонъя калык пӧлын ялан валэктон ужъёс нуон, адямиосты шудтэм учыръёслэсь утиськон амалъёслы дышетон. Тужгес но котькытын папирос кыскыса, кудӟыса ветлӥсь адямиос кужмо контроль улсы басьтэмын луыны кулэ. Электро, газ приборъёс дорын пичи нылпиосты оген кельтон шудтэм учырен йылпумъяськыны быгатэ шуыса вунэтыны уг яра. Гуртъёсын оген гинэ улӥсьёс вань. Бускельёссы соослэсь хозяйствооссэс но эскерыса мед улысалзы. Гурт адямиослы веранэз ик ӧвӧл, кыӵе кышкытлык кылдытыны быгатэ муръёлэн кулэ куронъёслы тупамтэез. Лымы улысь потэм пӧртэм жуг-жагъёсты ярамтэ интыосын ӝуатон но кышкыт адӟонэ вуттыны быгатэ. Огъя вераса, сак луоно. Нош тылпу потӥз ке ини, аслэсьтыд но матысь адямиосыдлэсь тазалыксэс утён радлыкез тодоно. Тылпу дыръя тросэз ӵынэн ӝокаса куло. Озьыен, нырысь ик ӵынлэсь утиськон амалъёсты тодоно. Тылпуэз кысон понна, котькуд хозяйствоын кӧня ке запас ву, луо, сюй возид ке, умой луоз. Нош кивалтӥсьёслы та сярысь инструктажъёс арлы быдэ лэзё. Ӧз ке быдэсъялэ, асьсэлы мед йыркуръяськозы: штраф понӥськоз.
Исполкомлэн та постановлениезлэн быдэсъяськемез дышетон учреждениос, культура центръёс, огъя вераса, калык трос луэм интыос понна нимысьтыз кулэ. Машинно-тракторной паркъёсын, фермаосын, огъя вераса, тылпу потон кышкытлык луэм интыын инструктажъёсъя профилактической ужрадъёс дыраз ортчытӥськыны кулэ.
Фото: http://www.aptr.ru/studies/safety/ppm_1.html

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: