Азьлане
Учкиськом, тодматскиськом но... вунэтӥськом
Туннэ нуналэ пудо вордон удысын азинсконэ вутскон туж секыт. Районысь та удыс республикаын ушъямон азинске.
Нош та асьмесыз уг буйгаты, туннэ йӧл поттонын но вузанын луэм луонлыкъёслэсь пайдаяськыса кыльыны кулэ. Нош та капчи ӧвӧл, одӥг нуналэ гинэ маке но ужаны но уг луы, дыр. Та удысын нунал потэм, ялан, аръёс ӵоже саклык висъяса, туала технологиослэсь пайдаяськыса гинэ азинсконэ вутскыны луоз. Туж кулэез - та удысын кивалтӥсьлэн но, пудо утисьлэн но, скал кыскисьлэн но сюлмысен, мед луоз шуыса, ужамзы куриське. Тани «Смаиль» хозяйствое но берло дыре кыкетӥ ползэ люкаськиськомы, учкиськомы, тодматскиськомы, но... бертэм бере вунэтӥськомы. Экономика ласянь секыт луиз ке но, хозяйствоосын пудо гидъёсты тупатъяса но выльдыса, пудо утисьёслэсь ужан условиоссэс умоятыса, технологиосты кулэезъя быдэсъяса гинэ азинсконэ вутскыны луоз. Асьмелэн али пайдаяськымтэ резервъёс трос.
Хозяйствоосын тае котькуд ласянь дышетскыны но уже кутон сярысь малпаськыны дыр вуэмын...
Та кылъёс муниципальной районлэн главаезлэн Рамиль Нутфуллинлэн районысь пудо утисьёслэн 11 толэзьлы йылпумъянъёсъя «Смаиль» хозяйствоын ортчытӥськем семинар-совещаниын лэсьтэм выступлениысьтыз басьтэмын. Арез азинлыко йылпумъян понна ужано ужъёс но отын ӝутэм валтӥсь ужпумъёслэн одӥгез луиз.
Туэ районъя ӧжытсэ 60 сюрс тонна йӧл поттон ужпум карыса пуктэмын вал.
Сводкаысь нырысетӥ лыдпус - аръем заданилэн быдэсмемез (процентъёсын), кыкетӥез - туэ 9-тӥ декабрьлы поттэм йӧл (тоннаосын).
|
Кызыл юл
|
109
|
3529
|
|
Татарстан
|
102
|
4729
|
|
Смаиль
|
100
|
2778
|
|
Кама
|
98
|
2622
|
|
Активист
|
96
|
2358
|
|
Уныш
|
93
|
1495
|
|
Игенче
|
92
|
3938
|
|
Сурнай
|
92
|
3057
|
|
Яна тормыш
|
92
|
2950
|
|
Труд
|
92
|
2330
|
|
Бурнак
|
92
|
1606
|
|
Сосна
|
91
|
2823
|
|
Алга
|
91
|
2334
|
|
Тукай нимо
|
91
|
1908
|
|
Бурбаш
|
90
|
3313
|
|
Дуслык
|
89
|
4338
|
|
Тимирязев нимо
|
89
|
2983
|
|
Якты юл
|
89
|
2397
|
|
Арбор
|
88
|
1682
|
|
Маяк
|
86
|
2865
|
|
Районъя
|
93
|
55935
|
Заданиез быдэстон понна арлэн кылем нуналъёсаз 4065 тонна йӧл поттыны кулэ. Котькуд скаллэсь нуналаз та дырозь мында кыскимы ке но (котькуд скаллэсь 16 килограммлы но уг тырмы), задание 600 тонна мында быдэсмытэк кылёз. Быдэстон понна районъя котькуд скаллэсь ӧжытсэ 17,7 килограмм йӧл кыскыны кулэ. Нош 11-тӥ декабре со районъя 15,34 килограмм гинэ луиз. «Трудын», «Яна тормышын», «Татарстанын» - 20-19,8, «Камаын» - 19,2, «Дуслыкын» - 17,4 килограмм кыско. Нош кылем хозяйствоосын со тазьы луиз.
|
Сурнай
|
16,7
|
|
Тукай нимо
|
15,9
|
|
Якты юл
|
16,3
|
|
Кызыл юл
|
15,7
|
|
Бурбаш
|
15,0
|
|
Алга
|
15,0
|
|
Смаиль
|
14,3
|
|
Активист
|
14,3
|
|
Арбор
|
13,6
|
|
Бурнак
|
13,6
|
|
Тимирязев нимо
|
13,5
|
|
Сосна
|
13,1
|
|
Игенче
|
13,0
|
|
Маяк
|
11,2
|
|
Уныш
|
10,1
|
Асьсэлы вуттэм аръем заданизэс быдэстон понна «Маякын» но «Дуслыкын» котькуд скаллэсь нуналъем йӧл кыскон - 33, «Арборын» - 31, «Якты юлын» - 29, Тимирязев нимо, «Яна тормыш», «Труд», «Алга», «Бурбаш» хозяйствоосын 26-27 килограмм луыны кулэ. Озьыен, туж тыршем дыръя но соослэн заданизэс быдэстонзылы оскон ӧжыт. Нош тани ӵош луыса район азьын сылӥсь ужпумез быдэстыны луонлык вань али. Районысь хозяйствоослэн кивалтӥсьёссылы, специалистъёслы но пудо утисьёслы скалъёслэсь продуктивностьсэс будэтонъя котькыӵе луонлыкез уже кутыны гинэ кулэ. Пудо сиёнлэн запасэз тырмыт. Сое пудоослы шонер рационэн сюдэм, кысконо группаосты радъям, кыскон технологиосты быдэсъям фермаосын йӧл будэ ук.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев