Хезмәт

Ужзэс мытӥзы

Пичи гуртъёсы мыныса, калыклэсь кулэяськонъёссэ эскерон, соослы улон-вылоназы юрттон ужпумен сюрес вылэ потӥсь «Мобильной бригада» туэ сезонзэ Тавзар гуртысен кутскиз.

53 юртэн пичи гинэ гурт та. Гуртлэн шораз ик нылпи садэз, школаез, фельдшерской пунктэз, клубез огазеясь чебер юрт лэсьтӥзы. Ини пуш ужъёсты гинэ йылпумъяны кылем. Тавзарысь нылпиос артысь Карадуван гуртэ ветлыса дышетско. «Школае ветлӥсьёс луозы меда?» шуыса, тунсыкъяськи люкаськонэ лыктэм кышномуртъёслэсь. «Луозы, туэ ӧз ке, вуоно арын луозы. Палэнэ потыса ужазы ке но, егитъёслэн уноез гуртэ юрт лэсьто, татчы кылё. Тавзар егитоме но, улэ но али», - шуо апайёс бадӟым энтузиазмен. Куке но мечеть луэм, нош бератаз школа-нылпи сад интые кутӥськем юртэз сэрттонлы нырысь пумит луэм адямиослэн но табере малпанзы воштӥськем: выль юртын нылпи сад ужаны кутскем бере, нылпиослы шудон площадка лэсьтыны инты кулэ ук. «Вужзэ сэрттэм бере, коръёссэ гинэ тус-тас медаз каре, юрт-а, яке мукет кыӵе ке здание-а лэсьтыны яралозы. Мечетьлэсь коръёссэ тус-тас карыса, шугадӟон гинэ медаз вуы», - шуо. Интыысь поселенилэн кивалтӥсез Шамиль Низамиев оскытӥз, калыкен кенешытэк, малпаськытэк ум ужалэ шуыса.
«Наградаосыз, «Ужысь ветеран» нимез луымтэ огшоры пенсионер санаторие яке шутэтскон юртэ путёвка басьтыны быгатэ-а», - юаз одӥг кышномурт.
- Быгатэ, - шуиз социальной дурбасьтонъя отделлэн кивалтӥсез Алсу Гатиятуллина.
Пенсиосъя фондысь специалистлы Зульфия Егоровалы но юан сётӥзы. «Минимальной пенсилэн быдӟалаез - 5912 манет» шуэмзэ кылэмзы бере, «4000 манет уждун басьтӥсь технической ужасьлы но озьы луэ-а ини со?» шуыса, юазы. «Пӧртэм ватсанъёсын солэсь ӧжыт уз луы», шуэм ответ чузъяськиз.
Алкоголья государственной инспекциысь Гульназ Сафинаез но туж умой кылзӥз калык. Со соосыз вузкарисьёслэн куриказы шедёнтэм, басьяськисьёслэн правоосынызы пайдаяськон амалъёслы дышетӥз. Участковой уполномоченнойлы Роберт Хуснетдиновлы трос вераны ӧз тупа. «Милям тавзар егитъёс пӧлын аракы юыса, кудӟыса ветлӥсьёс но, хулиганъёс но ӧвӧл» шуыса, лек вераз калык. Асьсэ гуртооссы понна сокем дурбасьтӥсь апай-агайёс сюлме туж умой мылкыдъёс кельтӥзы.

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: