Узыр историен ӵошатскон

Районысь кыӵе гинэ удысэз эн басьты, ваньмыз ик кыӵе ке но ужрад радъяны дыртэ. Нош тани милям спорт удысын Тукайлы сӥзьыса ортчытӥськись, ньыльмос даурлы матэ историен бигер сямен нюръяськонъя ӵошатсконъёсмы вань.

«Пиналъёс, тӥ туннэ туж исторической интыын. Татын быдӟым кылбурчимы пичи дыръяз гольык пыд ветлэм, татын кылбурчимылэн анаез Бибимамдуда ватэмын. Хозяйствомы но Тукайлэсь нимзэ нуллэ», шуиз Нурулла Сагдиев.

20 ар талэсь азьло та ӵошатсконъёслэн кичӧлтӥсез луэм Нурулла Сагдиев, тазалыкез ӧжытак лябӟемын луиз ке но, милям ӧтеммылы туж мылкыд карыса лыктӥз, ӵошатсконъёсмылэн дуно куноез луиз. Ачиз район центре кошкыса, крахмал лэсьтон заводын кивалтӥсь луыса ужакуз но со ӵошатсконъёсты ортчытэмысь ӧз дугдыты. Трос шумпотыны тупаз солы та нуналэ. Районысь бигер сямен нюръяськонъя федерацилэсь гадьпуссэ бырттэм бере, мылкыдыз туж бугырскиз. Бугырскытэк шат, солэн сюлмысен тыршемезлы вылӥ дунъет ук со. Али дыре обществоен кивалтӥсь Рамиль Мухамметгалиев но: «†ошатсконъёсты паськыт вӧлмытон амалъёсты утчаны кулэ асьмелы» - шуыса, пумитаз. Та ӵошатсконъёсы студент аресэн егитъёсты но, нылпиосты но ӧтимы. Нюръяськисьёсмылэн лыдзы будӥз. 12 школаысь 78 нюръяськись. 36 килограмм секталаен пичи пиослэн нюръяськемзы ӵошатсконъёслы чеберлык ватсаз. Спонсор Фагиль Шафигуллинлэсь кузьымзэ таяз учыре вань соперникъёссэ вормем Кугунур пилы Ильнар Саттаровлы сётӥзы. Солэн атаез Ленар Саттаров азьло тодмо нюръяськись вал. Лумбыт нюръяськонэз учкем Субаш гурт поселенилэн главаез Радафил Рахимзянов кузьымзэ травма басьтыса нырысетӥ кругысен ик усьыса кылем Владислав Ивановлы (Субаш) сётӥз.

Айзат Гараев (Балтась, 36 кг), Рафиль Вафин (Нурма, 40 кг), Нияз Нуретдинов (Бурбаш, 43 кг), Рузаль Фахретдинов (Бурбаш, 46 кг), Ильнар Саттаров (Кугунур, 50 кг), Булат Хадеев (Арбор, 55 кг), Ильдан Ахметханов (Янгул, 60 кг), Ильнар Ахметзянов (Ципья, 65 кг), Ильнар Муллахметов (Янгул, 70 кг), Айрат Хайруллин (Янгул, 80 кг), Руслан Рамазанов (Янгул, вылӥ сектала). Командной первенствоын янгулъёс (Р.Габдрахманов) сьӧры вуисьёс ӧз луэ. Кыкетӥ интыын - ципьяос (Р.Хайретдинов), куинетӥын - смаильёс (А.Минниханов).