Валтӥсь кузьым — шулдыр но вунонтэм мылкыд
1-тӥ апреле Пор-Кутешын ортчиз шулдыр спортивной ужрад. Нылпиос но егитъёс, анай-атайёсын ӵош, Вуколап нюке люкаськыса, спорт ӵошатсконъёсын кужымзэс эскеризы, ӵошен шутэтскизы.
Ужрадэз радъян бордын тыршиз гуртлэн старостаез Романов Николай Иванович. Нылпиос но егитъёс понна ортчэмын вал пӧртэм спортивной конкурсъёс. Нокин ӧз вуы мӧзмыса сылыны: биатлонэн ӵошатскизы, пневматика пыӵалэн ыбылӥськизы, футбол шудӥзы, «чорыгаса» утизы, гурезьысь салазкиен, ватрушкаен нискылазы. Спортъя быгатонлыкъёсынызы ог-огенызы ӵошатскон сяна люкаськем адямиос кунояськизы но. Инкуазьын пӧсьтэм чорыг лым но ӝук кыӵе ческыт луыса кошко, пӧсь чай, мугорез гинэ уг, сюлэмез ик шунтэ кадь! Ваньзэ тае ужрадэ пыриськемъёс веръязы. Вераны кулэ, сыӵе праздник ортчытыны инкуазь но туж умой тупаз, тулыс шуныт ассэ ӧжыт ке но шараяз, шутэтскыны луонлык сётӥз.
Ужрад туж шулдыр луиз. Биатлонэ пыриськемъёсты грамотаосын но медальёсын пусйизы. Нош котькуд лыктэм муртлы валтӥсь кузьым — шулдыр но вунонтэм мылкыд.
Екатерина Салтыкова
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев