Вань сюлмысен!

Гажано Балтась районын улӥсьёс! Тӥледыз вань сюлмысен ӟечкыласько ваньмы понна туж дуно но вунонтэм праздникен - Быдӟым Отечественной ожын Вормемлы 70 ар тырмон нуналэн. Сюлмысен тау каремме вуттӥсько бадӟым сюлэмо луэмды, Быдӟым Вормонэ люкет пыртэмды понна. Жугиськон аръёсысь чидантэм шуг-секытъёс но районамы улӥсь пӧртэм нациысь калыкез пыдесъяськытыны, чигтыны ӧз быгатэ, Вормонлы луэм осконэз ӧз куашкатэ. Бадӟымез но, пичиез но огкылысь луыса, Вормон нуналэз матынъяськытон понна луэмзэ ваньзэ лэсьтӥзы.

Улосчиосмылэн жугиськон аръёсы возьматэм батырлыксы соосты пырак азелы вунонтэм кариз. Фронтын батыр ужъёссы понна районысь 2 сюрслы матэ адями орденъёсын, нош 5 сюрслэсь тросэз медальёсын пусйиськизы. Быдӟым Вормонлы 70 ар тырмонэн валче 898 ветеранлы юбилей медаль сётӥськиз. Туннэ районамы Быдӟым ожысь 30 ветеран улэ. Странамылэн независимостез но эрикез понна бырем гуртоосмылэсь нимъёссэс пырак азелы вунонтэм карон понна лэсьтэм ӟеч ужъёсады азинсконъёс но каньыл улон мылкыд карисько.

Нош ик одӥг пол праздникен гажано ожысь но ужысь ветеранъёс! Инбаммы котьку сэзь, азьпаллы оскымон мед луоз! Ожын быремъёслы пыраклы дан!

Муниципальной районлэн главаез Рамиль НУТФУЛЛИН.