Хезмәт

"Выль гурт"... выльдӥське

«Выль гуртын» улон выльме-а?

Улисьял - пор кылысь берыктыку «выль гурт» шуэмез валэктэ вылэм.
- Милесьтым кык-куинь иськемын шур вань, вуж юрт шуэмез валэктэ со. Гуртмы азьло отын луэм. Песяй-бабайёслэн верамзы тодэ кылем: со интыын калыклэн улонэз удалтымтэ, юыны вуэз но луымтэ интыысен тани татчы кӧчиллям. Вуж шай али но вань, - шуыса вера Валентин агай.
Шонер, та Улисьял но вутымъёс доры интыяськымтэ. Юоно вузы но чурыт, кык интые пичигес ӵыпет ӵыпыса, ӵӧж-ӟазегъёслы ву проблемаез быдэстыса уло. Республикаын мынӥсь «Чылкыт ву» программае пыриськыса гинэ та ужпумез быдэстыны луоз, дыр. Интыысь кивалтӥсьёс таӵе луонлыкез киысьтызы уз лэзе шуыса, оскеммы потэ.
* * *
Гуртысь фельдшер Зинаида Иванова (туспуктэмын) 1986-тӥ арысен татын ужа. Вордскем гуртаз куамын ар мында улонзэ яратоно ужезлы сӥзем. Со али Куремьял гуртысь калыклы но юрттэт сётэ. «Палэнэ мыныса ужан шуг-секытъёс уг кылдыты-а?», - шуэм бере, со: «Кузпалэ машинаен нуыса мынэ, уг ӝожтӥськиськы», - шуыса пальпотыса ответ сётӥз.
Фельдшерско-акушерской пунктлэн зданиезлэн выль луымтэез адске. Туэ ремонт каремын, жаляса верано, борддоръёсын выльысь пасьёс кылдӥллям. «Сӥзьыл, сентябрьлэн кутсконаз ремонтэз азинтозы. Борддоръёсты соку тупатъялозы ини. Пластик укноос, тылпулэсь утиськон арбериос но луозы», - шуиз со.
- «Шумпотыса вераны быгатӥсько, мон ужано гуртъёсын онкологияя, сюлэм висёнъёсын висисьёс ӧвӧл. Син гинэ медаз усьы», - шуэ Зинаида апай.
* * *
Та дырозь улисьялъёс малы, дыр, асьсэ осконзэс, сям-йылолъёссэс кулэ карымтэзы. Нош тани Валентин агай районысь национально-культурной автономилэн кивалтӥсезлы бырйиськем, поръёс улэм пӧртэм интыосын луыны кутскем бере, вордскем гуртаз тӥни со мылкыдэз но вырӟытыны быгатэм. Кӧня ке ар ини тулыс бусы ужъёс йылпумъяськем бере, быдэс гуртэнызы йыбырттон йылолзэс ортчыто. Али асьсэлэн сое ортчытымон вӧсез тодӥсь адямиоссы ӧвӧл ,арлы быдэ Альметьевскысен юрттыны лыкто. Асьме республикаысь Арча палъёсын гинэ ортчытӥськись сям-йылолъёслэн берытскемзылы но шумпотэ гурт калык.
* * *
Улисьялын туж тыршись адямиос уло вылэм шуыса, йылпумъян лэсьтӥмы ми, матысен тодматскем бере. Тӥни ук, 56 хозяйствоен гуртын 90 мында скал кутьыын ветлэ. Али со сяна гид трос сюро таза пудоосты вераны кулэ. Тыршемзы гуртлэн «ымныраз» - огезлэсь огез таза, чебер юртъеръёсын но адске ук. «Коркалы быдэ быдэн кык капчи машина ми дорын», - шуо асьсэос.
* * *
Улисьялъёс «Активист» хозяйствоын но валтӥсь ужась кужым, азьмынӥсь механизаторъёс, пудо утисьёс трос татын. Азьлогес дано Шамовъёс сярысь районын трос гожъязы, трос веразы. Туннэ соослэн уноез дано шутэтсконын луизы ке но, соослэсь ужзэс азинтӥсьёс гуртын уло, соосыз но туж тыршисесь. Ушъяса верам Виктор (ачиз комбайнёр, ачиз клублэн заведующиез) но та выжыысь.
«Активист» хозяйстволэн ушъямон комбайнёрез Андрей Максютов но Улисьялысь луыса потӥз. Ужлы быгатӥсь Андрей - семьяезлэн юн пыкетэз, адӟем карымон семьялэн йырыз. Улонысь эшеныз Людмилаен 3 пи будэто. Людмила ачиз но хозяйствоын пудо эмъясь луыса ужа. Кылем арын государственной программаен выль юрт лэсьтӥзы ке, туэ лапас-гидъёс лэсьтыны кутскиллям. Ми мынон нуналэ, зоремысь, семьялэн йырыз но лэсьтӥськисьёсын ӵош вал.
Та гуртын обществолэн 700 йырлы чаклам сюро таза пудо фермаез, гаражез, ю тысь но турын складъёсыз интыяськемын. 2100 центнер турын, 3200 тонна сенаж дасяллям. Кыкез но ортчем арен ӵошатыку тросгес, али кукуруза бусыоссы удалтэм урожай сётозы, шуо. 5100 центнер рулонэн куро дасяллям. «Асьме дорысь пудоослы тырмымон сиёнэз арлы быдэ татчы дасяськомы. Озьы умойгес», - шуо.
Туннэ нуналэ Марий Элын улӥсь гуртоенызы басняос гожъясь Виталий Дмитриевен интыё данъясько улисьялъёс. Берло аръёсы егитъёс вылӥ тодон-валан басьтыны тыршо, асьмелэн журналистмы, врачмы... луозы шуыса витё, туннэ студентъёслэн умой дышетскемзылы, соос сярысь ӟеч иворъёс кылэмзылы (гуртын ваньзэ но тодо!) но шумпото.
Туннэ гуртын ваньзэ кык гинэ юрт буш улэ. Та но тросэз сярысь вера.
Вакиф Закиев
Гульзида Газизуллина
Халиль Накипов
Гульсина Гарипова
Ландыш Гарифуллина

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: