Хезмәт

Вылын Ушма гурт (3-тӥ люкет)

«Мед гинэ ужалозы школа-нылпи сад но ФАП».

Туннэ нуналлы Вылын Ушма гуртын 235 адями лыдъяське, со 70 хозяйство. Гуртын ужась школа-нылпи сад, ФАП, ферма вань. Талы Ушмаысь калык пумтэм шумпотэ. Кинэ гинэ ӧм пумиталэ, ваньзы огмылкыдын «Мед гинэ ужалозы школа-нылпи садмы, ФАПмы» шуизы.  Гуртын нылпи площадка но вань. Со школа вӧзын ик интыяськем. Соин отын школае но нылпи садэ ветлӥсь нылпиосын ӵемысь занятиосты ортчытъяло вылэм. Но, жаляса вераны кулэ, нылпиос татын туж ӧжыт — туннэ нуналлы школае ветлӥсь нылпиослэн лыдзы 8, нош нылпи садэ ветлӥсьёслэн 2 гинэ. Соин школа-садын ужасьёс туж сюлмасько, ӝоген соосты ворсалозы шуыса. Сюлмасько, сыӵе чебер зданиез, Шор Ушма гуртысь клубез сямен ик, сэрттыса быдтозы шуыса. Егит семьяос пӧлысь Ишмурзинъёсты, Черновъёсты, Добромысловъёсты, Константиновъёсты пусйыны луэ. Куинь гуртлы одӥг шайзы вань, со Улын Ушма гуртын интыяськемын. Вылын Ушма гуртын юртъёс ӧжыт шуыны уг луы, но тросаз ини улӥсьёсыз ӧвӧл, соос буш сыло. Нош куке но татын но улон гурлам…  Нялтас вераса, 1997-тӥ арын школа-садэз сиё-дано усьтыкузы, татчы Татарстан Республикалэн Президентэз Минтимер Шаймиев но вуылэм...  

Со аръёсты умой тодо гуртысь кема улӥсьёс: Евдокия Ивановна Егорова, Марфа Фёдоровна Иванова, Наталья Владимировна Ишмурзина. Одӥгеныз соос пӧлысь, Марфа Фёдоровна Ивановаен, гуртысь гажамон но кема улӥсь адямиен (песянай та гуртын вордскемез дырысен улэ) вераськыны быгатӥмы.  

— Гуртмы понна сюлмы висе, — мур лулӟыса вераны кутскиз Марфа Фёдоровна. — Егитъёс уг кылё, городъёсы кошкыны туртто. Ма, соосты но валаны луэ: магазинмы, клубмы ӧвӧл. Но мукет ласянь, уксёед ке луиз, арберизэ вайыса но сёто. Али яра школамы вань, фельдшермы но асьмелэн. Яра али эшъёсы вань гуртын. Егорова Евдокияен, Ишмурзина Натальяен эшъяськиськомы. Но туж пумиськылэммы уг луы ни, аресмы вань… Али мон ачим ветлӥсько ӧжыт урам кузя. Толон тани нюк дуре но мыныса бертӥ. Туж шулдыр потэ ук гуртмы… Вордскем гуртын уӵыос но чебергес кырӟало ук. Мед улоз гуртмы, мед сяськаяськоз, мед бадӟымалоз.

…Вылын Ушмаын шыпыт, улон нокытчы уг дырты кадь… Вӧл-вӧл паськыт урамын одӥг адями но ӧвӧл (гуртын ӵапак ӟырдыт ужан дыр ук) – ваньзы бакчаосазы выро, дырын-дырын тракторлэн гужгетэм куараез гинэ кылӥське…

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Твиттер, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: