Хезмәт

Вылын Ушма гурт (2-тӥ люкет)

Самой бадӟым проблема — гуртын магазинлэн луымтэез.

Урамтӥ ортчыкумы, учыртӥмы Эля Ивановна Мироноваез. Эля Ивановна кема аръёс ӵоже гуртысь школа-садэн кивалтэм кышномурт. Вылаз ик со гуртлэн азьвыл старостаез но луэм. Со но милемлы гурт калыклэн туннэ нуналлы луэм проблемаосыз но шуг-секытъёсыз сярысь вераны дыртӥз:

— Гуртмы, асьтэос адӟиськоды, шулдыр, ёрос центрлэсь но кыдёкын ӧвӧл, — веранзэ кутскиз кышномурт, — адями татын ужась, тыршись, но егитъёс ӧвӧл ини шуыны луэ. Малпано ке, улӥсьёслэн шорлыдо арессы 45 котырын луэ, дыр. Тросэз городэ кошкыны турттэ, малы ке шуоно ужан инты ӧвӧл. Соин нылпиослэн лыдзы но арысь аре кулэсме. Магазинмы ӧвӧл — та туж бадӟым проблема. Балтасе ветлыны кулэ луэ. Нош котькуд семьялэн машинаез ӧвӧл ук, автобусэ потоно. Автобусэн мынон понна Улын Ушма гуртэ васьконо — милям гуртмы пыр автобус уг ветлы. Такси ӧтёно ке, Балтасе вуытозь 150 манет кулэ луэ, бертыны но сомында...

Самой валтӥсь, адямиосты сюлэмшугъяськытӥсь проблема гуртын магазинлэн луымтэез вылэм. Та сярысь веразы ваньзы гуртын улӥсьёс, кудъёсыз милемлы пумиськизы. Вылын Ушма гуртэ арнялы куинь пол автолавка вуэ ик — понедельнике, средае но пятницае. Но бакча сиёнъёс, емышъёс, бытовой химия отын уг вузаськы, соин сыӵе вузъёслы вылын ушмаослы Балтасе басьяськыны ветлоно луэ. Озьы ик калыклэсь мылкыдзэ куашкатэ клублэн  луымтэез но. Куинь гуртъёслы — Вылын, Шор но Улын Ушма гуртъёслы — одӥг клуб но ӧвӧл. Шор Ушма гуртын клуб луэм ке но, со кемалась ини ужамысь дугдэм. Куке но гурласа ужам клублэсь туннэ нуналэ буш стенаос гинэ кылемын. Гуртын кыӵе ке люкаськонъёсты ортчытъяны гинэ но интызы ӧвӧл вылэм. Нош гуртын улӥсь адямиосын вераськыса, тодӥмы: куинь гуртлы одӥг ке но ансамбль луысал, отчы шумпотыса ветлӥсьёс шедьысалзы.

(Азьланьтонэз вань)

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Твиттер, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: