Взятка сётыкуз кутэмын

Ильнур, 17 декабрь 2014 - 14:51

1293

Туэ 28-тӥ мартэ луэ та учыр. Ципья гуртын улӥсь гражданин В.А. ӝыт 21.00 час бере, курыт юонлэсь пайдаяськыса, магазинысь потыса, машинаяз пуксьыса вырӟыса кошкыкуз, Ципья урамын дугдыса сылӥсь капчи машина борды мырӟиське.

Та сярысь кулэ луись интые ивортытэк, кылкутонлэсь кышкаса, авария кылдытэм интыысьтыз машинаеныз пегӟыса кошке. Та учыр сярысь районысь внутренней ужъёсъя отделлэн дежурной частяз ивор вуэ.

ГИБДД-лэн инспекторез Ципья гуртэ лыктэ но янгышасез утчаны кутске. В.А.-ез Сырья гуртлэн территориысьтыз шедьто. «Алкотестер» В.А.-лэсь курыт юонлэсь кӧня пайдаяськемзэ возьматэ. Машиназэ штрафстоянкае нуон понна эвакуатор ӧтиське. Собере инспектор сое выльысь Ципьяе авария луэм интые вае.

РФ-лэн административной правоез тӥянъя кодексэзлэн 12.27-тӥ статьяезъя протокол гожтэ. В.А. инспекторен гожтэм протоколэз ӧвӧллы поттыны куре, со понна 2 сюрс манет уксё ӵектэ. Нош инспектор В.А.-лы кудӟем йырын руль сьӧры пуксьыса, машина борды мырӟиськыса но со интыысен пегӟыса кошкыса радлыкез тӥямезъя уголовной уж усьтыны луэмзэ валэктэ, нош солэн уголовной ужез ӧвӧллы поттон понна взятка сётыны турттэмез эшшо одӥг йыруж луэ. Нош В.А. озьы ке но уксё ӵектонзэ азинтэ. В.А. таӵе учыре правоез тӥям понна 1,5-2 арозь машина ветлытон праволэсь люкемзэс но со вылэ 30 сюрс манет штраф тыронзэ но умой тодэ.

Соин но со инспекторлы кызьы ке но взятка сётыса, машина ветлытон правозэ кельтыны турттэ. Паймем инспектор преступниклэсь взятка сётыны турттэмзэ валаса, районысь внутренней ужъёсъя отделэ ивортэ. Собере Ципьяе нимысьтыз эскеронъя специалистъёс лыктыса, ГИБДД машинае диктофон но видеорегистратор поныса, кылдэм учырез гожтыса басьто. Государственной инспекторлы взятка сётыны турттэмез бордысен уголовной уж усьто.

Кемалась ӧвӧл суд В.А.-лэсь ужан интыяз шофёр, семьяяз кык пичи нылпиез луэмзэ но кышноезлэсь ужтэк пукемзэ лыдэ басьтыса, 60 сюрс манет тыр штраф тырон сярысь решение кутӥз. В.А. аслэсьтыз янгышсэ валаса, таӵе постановлениен кельшиз.

Фарит Шарифуллин

районысь прокурорлэн воштӥсез

Фото: http://www.cheboksary.ru/crimen/19022014/page29414.htm

Следите за самым важным и интересным в Telegram-каналеТатмедиа

Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.