Балтасьысь Зиган Хабибуллина, Мунавара Гарифуллина но Анвар Гилязева воргоронъёсын ӵош ож сюресэз ортчем ветеранъёс. Соос туннэ асьме пӧлын ӧвӧл ини. Туспуктэм лэсьтэмын Быдӟым Вормонлы 60 ар тырмон торжество дыръя.
22-тӥ июнь... - 73 ар ӵоже сюлэмез но яраосты висьытыса, мылкыдэз бугыртыса улӥсь нунал та. Историлэн бамъёсаз со Быдӟым ожлэн кутскем нуналэз шуыса гожтэмын. Нош асьме понна - Буре ваён нунал.
1418 нунал но 1418 уй ӵоже мынэм та ож быдэс поколенилэсь улонзэ кир-пазь кариз: шудо пинал дырзэ талаз, сирота кельтӥз, быдэ вуон дырзэ сютэм улонэ но тэльмыронэ выйытӥз, егит дырзэ ожтылэн пылатӥз, нылкышноосты оген, анай-атайёсты нылпиостэк кельтӥз.
Ини странаямы 69-тӥез мирной но каньыл гужем вуиз. Ялан озьы мед луысал!
«Жугиськон!» - шуэм иворез бусыын ужаку вуттӥзы, - шуэ Быдӟым ожысь ветеран, боевой орденъёслэн но медальёслэн кавалерзы Бари Хамбалов.
