Хезмәт

Ымусьтон – огазеясь праздник

Ӟаны гуртысь культура юртын но Ымусьтонлы сӥзьыса матушка Фотиниялэн кичӧлтэмезъя но культура юртын ужасьёслэн, дышетӥсьёслэн, визьнодасьёслэн но пиналъёслэн тыршеменызы чебер концерт ортчытӥллям.

Вераны кулэ, татын но таӵе ужрадэз ортчытон ӟеч сямлы пӧрмемын ни. Кӧня ке ар радысь ини Ӟаныысь но матысь гуртъёсысь калыклы мур пуштросъем концерт ӵекто.

Азьвыл аръёсы кадь трос луымтэ ке но, кезьытлэсь кышкамтэ адямиос быдэс зал тыр люкаськиллям. Ужрад туж организованно, шулдыр ортчем. Люкаськем калыклэсь мылкыдзэ ӝутӥллям нылпи садэ ветлӥсь пичиос, школаын дышетскись пиналъёс но студентъёс. Соос мылысь-кыдысь кырӟаллям, кылбуръёс вераллям. Ужрадэ пыриськем калык пусъем пиналъёслэсь спектакльын шудон устолыксэс но. Туж быгатыса пуктӥллям Иисус Христослэн вордскемез сярысь «Вифлеем уй» шуыса нимаськись инсценировкаез. Огъя вераса, Ымусьтонлы сӥзем концерт сайкыт, чебер мылкыдъёс гинэ кельтэм, огсыр улонлэсь жадем сюлэмъёсты шунтэм. Озьыен, огъя кужымен быдэстэм уж бервылтэм ортчымтэ.

Реклама
Теги: 250
Нравится
Поделиться:
Реклама
Комментарии (0)
Осталось символов: