Хезмәт

Балтач районы

18+
2024 - Гаилә елы
Азьлане

Жугиськон но пичи дыр

Жугиськон аръёсы луэм секыт ужез, сютэм улонэз, дӥсьлы, пыдкутчанлы ёрмонэз пиналъёс но чидазы. Бускельысь Демей Семён бабай гужем монэ ӵукна кык часэн сайкатэ вал. Ми соин колхозын ужасьёсты сайкатыса ветлӥмы. Чыртые кутгозыен ошем ведрае бодыен йыгаса, кужмо куара поттыса урам кузя ветлӥмы.

Демей бабай чутӥз, бодыен ветлӥз. Нош уйёсы укноосысь тылъёслэсь пиштэмзэс-пиштымтэзэс эскерыса ветлӥмы. Соку укноосты ӵоксаны косылӥзы, укноосысь тыл медаз, пе, пишты. Малы ке шуоно уйёсы самолёт куараос уг чалмо вал. Кызьы соку Семён бабай вералляз, со тушмон самолётъёс Казанез но Ижевскез утчало, пе. Мон кышкаса солэн дукес улаз пегӟисько вал. Озьы 1944-тӥ арозь ветлӥмы.
Ӵукна 3 часэн кутьыез поттылӥзы, собере анайёс бусые кошко. Отысь ӝомыт усем бере гинэ берто вал. Нош мар сиимы? Чуньыбыж куар, поттурынэн нянь, пушнерен шыд, сисьмем картофкалэсь пыжем кӧмеч. Кулэм валлэсь сӥльзэ пӧзьтыса сиеммес но тодӥсько.
1942-тӥ арын Сандыр агайлэн кышноез сютэмен кулӥз, 3 арес Клим пиез сирота кылиз. Кема ик дыр ӧз ортчы, 3 аресъем Вениамин выны но кулӥз.
Атаймы ожын сӧсырмемез бере кема дыр ӵоже госпитальын кыллиз. Ӧжытак йӧнатскемез бере, Казаньысь военной заводэ ужаны лэзиллям. Отын со жугиськон дугдытозь ужаз. Анайлы коть одӥг ведра ке но картофка вайыны курыса гожтэт лэзем вал. Отын ужасьёс но сютэм сямен улӥллям. Анае одӥг ведра картофкаен Шеморданэ пыдын потыса кошкиз. Отысен поездэн мынэм, дыр. Картофкаез лапша выллем вандылыса, куасьтыса фронтэ келяло вал.
Тӥни озьы ортчиз жугиськон кутсыктозь вордскем нылпиослэн пичи дырзы. Ма, витьтонэтӥ аръёсысь «шудо-шулдыр» егит дырмы но капчи вал шуыны уг быгатӥськы. Со ик секыт уж, сиёнлы, уксёлы ёрмон, тыргес улӥсьёслы вожъяськон.
Елизавета АБРАМОВА,
Ципья черкогурт.
Фото: http://www.proza.ru/2012/12/15/974

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: 250