Зор ӧвӧл — ву кулэ

2012-тӥ арын татын одӥг ужасьлэн шоро-куспо толэзьем уждунэз 19685 манет луиз ке, кылем арын толэзьлы быдэ шорлыдын 22881 манет басьтӥллям ужасьёс. Мелиорацияя юн базаез, кужмо коллективез луыса но Балтась районлэн аслаз ву кисьтанлы саклык висъянэз бадӟым ӧвӧл. «Асьме районын ваньзэ 6 хозяйствоын гинэ ву кисьтано музъемъёс вань», - шуэ Ханиф Накипович.

2010-тӥ кӧс аре Смаильын, картофкае ву кисьтаса, удалтэм урожай будэтӥллям но сое вузам уксёлы ватсаса ву кисьтан оборудование басьтӥллям. Та хозяйстволэн кивалтӥсез Ильхам Шакиров азьпала учкыса ужа но, ӵемысь луись кӧс куазен нюръяськыса, ву кисьтано площадьёсты ялан йылэтэ. «Кызыл юл» хозяйстволэн кивалтӥсез Фердинанд Хайруллин но азьпал улон сярысь сюлмаськыса тырше. «Татарстан», «Сурнай», «Яна тормыш» обществоослэн кивалтӥсьёссы Айнур Нутфуллин, Тауфик Гилязев, Магсумзян Сайфетдинов но, пӧсь кӧс гужеме ву кисьтанлэсь кулэлыксэ валаса, талы саклык висъянзэс будэтӥзы.

Нош тани Рафис Султановен кивалтэм «Бурбаш» обществоын, луонлыкъёссы луыса но, ву кисьтан сярысь туж бер тодазы вайизы. Огъя вераса, котькуд хозяйствоын бусыосы ву кисьтан сярысь малпаськыны дыр вуиз. Силослы, сенажлы чаклам вож массаез ву кисьтаса будэтон кӧс гужемъёсы умой бервылэн шумпоттоз. Специалистъёслэн верамзыя, али нош 4-5 ар ӵоже гужем таӵе луыны быгатоз. Нош туннэ нуналэ районысьтымы данлы «Мелиоратор» организация бускель Арча районын ужа. Атня район но заказъёс сётыны кутскем. Но обществоысь бульдозеристъёс Фирдавес Зарипов, Олег Пчельников, скреперистъёс Станислав Никитин, Раушан Габбасов, Абдимумин Мурадов, сварщикъёс Рафиль Мухамметшин, Алмаз Фазлыев кадь опытной ужасьёс, палэнэ потыса ветлытозь, асьме районын гинэ ужасалзы.

Зэмзэ ик, ву кисьтанэз совет вакытэ кадь паськыт вӧлмытыны кулэ ӧвӧл меда? Европаын но, зоръёс асьмелэсь трос луо ке но, ву кисьтанлы саклык висъян бадӟым, шуэ Ханиф Бариев.

Районысь мелиораторъёс али кемалась ӧвӧл гинэ профессиональной праздниксэс пусйизы. Соосты ӟечкыласа, ужазы азинсконъёс, тазалык, шудбур сӥзиськом но асьме районысь хозяйствоосысен но заказъёс мед луозы шуыса мылкыд кариськом.