"Татарстан: барысы да фронт өчен, барысы да җиңү өчен! 1941-1945"

Анда республика халкының Бөек Җиңүгә керткән зур өлеше турында сөйләүче бай тарихи материал тупланган.

Аналитик материаллар белән беррәттән, китапта беренче чыганакларга да мөһим урын бирелә. Архив документлары, плакатлар, афишалар, Фоторәсемнәр, кинохроника кадрлары, фронтовикларның хатлары, сугыш чоры открыткалары белән тулы визуаль рәт тәкъдим ителгән. Хәтер китабына ветераннарыбызның сугыш еллары һәм армый-талмый хезмәт еллары турындагы шәхси истәлекләре аеруча зур әһәмияткә ия.

Китап киң катлам укучыларга, шул исәптән сугыш ветераннарына һәм тыл хезмәтчәннәренә адреслана. Әмма барыннан да элек ул сугыш турында бары тик мәктәп дәресләреннән, гаилә тарихларыннан, тарихи китаплардан һәм кинофильмнардан гына белгән яшь буын вәкилләренә юнәлдерелгән. Истәлекле китап яңартылган уку-укыту программаларын һәм факультатив дәресләр планнарын төзү, Татарстанның урта һәм югары белем бирү учреждениеләрендә семинарлар һәм конференцияләр үткәрү өчен нигез булачак.

Китап басмасын Татарстан Республикасы Президенты Р.Н.Миңнеханов хуплады.

Шул уңайдан Татарстан Республикасының Архив эше буенча Дәүләт комитеты 25.06.2020-03.07.2020 аралыгында "Татарстан: барысы да фронт өчен, барысы да җиңү өчен! 1941-1945" китапларын район һәм мәктәп китапханәләренә тапшыруны тәгаенли. Акция кысаларында Татарстан Республикасының Архив эше буенча Дәүләт комитеты һәм «Татарстан Республикасы Дәүләт архивы» ДБУ җитәкчеләренең китапны шәхсән үзе тапшыру өчен чыгулары планлаштырыла.

Акцияне тантаналы рәвештә район башлыклары, мәгариф учреждениеләре җитәкчеләре, үзәк район һәм шәһәр китапханәләре җитәкчеләре, мәктәп үзидарәсе активистлары катнашында муниципаль районнарның һәм шәһәр округларының үзәк мәйданчыкларында үткәрү планлаштырыла.

Фото: Госкомитет РТ по архивному делу

Реклама