Хезмәт

Ахирәткә әзерләнәсеңме?

Аллаһы Тәгалә Коръәни-Кәримдә: "Бу дөнья алдый торган нәрсә, ул вакытлыча гына. Сез бу дөньяда кылган гамәлләрегез өчен Кыямәт көнендә җавап бирәчәксез", - ди. Ә яшеме-картымы, ярлымы-баймы - һәркем үлемне күрәчәк. Җәһәннәм утыннан котылып калучы, коткарылучы бәхетле кеше була.

Аллаһы Тәгалә каршына килгәч, сиңа әти-әниең дә, туганнарың да, дусларың да булыша алмый. Кылган изгелекләрең яисә начар гамәлләрең өчен үзең җавап бирәчәксең.
Аллаһы Тәгалә: "Гөнаһлы кешеләр үле дә, тере дә булмаслар. Алар җәһәннәм әһелләреннән булырлар", - дип әйтә. Әгәр дә тере кешене утка салсалар, ул газаплана да үлә. Ә җәһәннәм утында адәм баласы яшәмәс тә, үлмәс тә. Кемгәдер озак итеп, кемгәдер мәңге җәһәннәм утында янарга туры киләчәк.
Мөэмин хәлдә үлгән, изге гамәлләр кылып яшәгән кешегә Аллаһы Тәгалә: "Иң югары дәрәҗәләрне бирермен", - ди.
Без киемнәребез, машинабыз пычранса, аларны юабыз. Шулай ук үзебезнең иманыбызны да чистартып торырга кирәк. Чөнки иман ул шулай ук керләнә. Аны чистартып тормасак, ул пычранып бетәр, кешенең иманы бар икәне дә тоелмас.
Гомер бик тиз уза. Бүген син үзең өчен тырышсаң, иртәгә инде балаларың өчен кайгырып яшисең. Алар үскәч, оныклар өчен дип яшисең. Балалар өчен кайгырып яшәү бик яхшы. Тик ахирәт турында күбрәк уйларга кирәк.
Аллаһы Тәгалә: "Ләззәтләрне кисүче үлемне күбрәк искә алыгыз", - ди. Дөньяның табигате дә, сыйлары да бик матур. Тик бу матурлык - алдый торган әйбер. Үлемне ешрак искә төшерсәк, ахирәткә дә ныклап әзерләнербез.
Фаиз хәзрәт Мөхәммәтшин,
Удмуртия мөфтие.
«Яӊарыш» газетасы, 07.05.2015 ел.
Фото: http://ic.pics.livejournal.com/neiz_geniy/67769254/62891/62891_900.jpg

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: