Хаҗ кылу кыйммәтләнә
Доллар курсының дәвамлы күтәрелүе сәбәпле, хаҗны оештыру бәясе бераз артачак. Бу 2014 елның 27 февраленә кадәр акчаларын тулысынча түләп куйган кешеләргә кагылмый, алар өчен аның бәясе үзгәрешсез калачак.
2014 елның 28 февраль көненә хаҗны оештыру бәясе бер кешегә 155 мең сум булды, дип хәбәр итә Татарстан Диния нәзарәте. Бәяләргә кагылышлы актуаль мәгълүматларны региональ агентлардан, үзәк офис менеджерларыннан +7(843 524-92-10, +7(843)200-93-11 телефоннары буенча сорап белергә яки dumrt-haj.ru сайтыннан укырга мөмкин.
Ислам диненең бишенче баганасы - хаҗ гамәлләрен үтәү өчен "ДУМ РТ Хадж"да барлык шартлар, шул исәптән Согуд Гарәбстаны Корольлеге җирлегендә чакта хаҗ дәвамында туклану һәм транспорт чаралары белән тулысынча тәэмин ителү, ир-атлар өчен ихрам киеме, корбан чалу һ. б. каралган. Ул язма килешүдә (договорда) күрсәтелгән һәм тулысынча үтәлергә тиеш.
Җитәкчелек булачак хаҗилардан бәяләр үзгәрүнең объектив сәбәпләрен аңлауны сорый, хаҗ вә аның гамәлләрен башкару өчен язма килешүне вакытында төзергә һәм акчаны вакытында түләргә тәкъдим итә. Шул рәвешчә эшләгән очракта, сезнең хаҗга гарантияләнгән урыныгыз сакланачак һәм гыйбадәт кылырга бару өчен түләү бәягез дә үзгәрешсез калачак, дип хәбәр итә Диния нәзарәтенең рәсми сайты.
Чыганак: dumrt-haj.ru
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Иң мөһим һәм кызыклы язмаларны Татмедиа Telegram-каналында укыгыз
Телефон АО «ТАТМЕДИА»: (843) 222 09 84