Хезмәт

Җомга намазын мәчетләрдә уку мөмкин булачак

Мөхтәрәм җәмәгать! Сезгә мәчетләр ачылу турындагы куанычлы хәбәр ирештерергә ашыгам! Иртәгән алар сезне җомга намазларына кабул итәргә әзер булачак, әмма берничә шарт белән.

Нәзарәтнең Голамәләр шурасы түбәндәге карарлар кабул итте:

1. 5-нче июньнән Татарстанда мәхәлләләр үз эшчәнлекләрен яңадан башлап җибәрерә;

2. Сәламәтлегенә зыян килүдән курыккан, шулай ук 65 яшьтән олы булган дин кардәшләргә мәчет һәм җомга намазларына килүдән тыелып торырга һәм укылмый калган җомга намазы урынына өйлә намазын укырга тәкъдим ителә;

3. Мәчеткә бары тик битлек һәм перчатка кигән, шәхси намазлык белән килгән кешеләр генә кертелә;

Реклама

4. Җәмәгать намазларын бары тик социаль дистанцияне саклау шарты белән укыла - кешеләр арасында 1,5 метр аралык калырга, 4 кв.метрда бер генә кеше булырга мөмкин. Мәсәлән, дистанцияне билгеләү өчен дин кардәшләр кулларны як-якка сузып бер рәткә тезелеп, алларыннан һәм артларыннан бер буш рәт калдырып баса ала;

5. Гыйбадәт бүлмәләре 400 кв.м.-дан күбрәк мәйданга ия булган мәчетләргә берьюлы 100-дән артык кеше кертмәскә, мәчеттә буш урын калмаган очракта, намазны мәчет яны территориясендә башкарырга;

6. Күп халык катнашындагы мәҗлесләр, никах һәм исем кушу йолаларын үткәрү буенча чикләүләр дәвам итә.

Бу турыда Камил хәзрәт Сәмигуллин үзенең Инстаграм аккаунтында хәбәр итә.

kamilhazrat

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: