Пансионат кунаклар кабул итә
Бөрбаш авылында Татарстан Республикасының Баш казые Җәлил хәзрәт Фазлыев чакыруы буенча Казан шәһәренең Киров һәм Мәскәү районнары мөхтәсибәтенең имам-хатыйблары очрашуы узды.
Кунаклар Балтач үзәк мәчетендә булдылар. Җәлил хәзрәт Фазлыев Бөрбаш авылы тарихын сөйләде, биредә эшләүче мәчетне күрсәтте.
Бөрбаш авылында булу максатларының берсе – 13 балага әхлакый-рухи тәрбия бирелә торган малайлар өчен ачылган «Ярдәм» пансионаты белән танышу иде. Казан шәһәренең Киров һәм Мәскәү районнары имам-мөхтәсибе, Татарстан мөфтие Киңәшчесе Илдар хәзрәт Баязитов пансионат эшчәнлеге турында сөйләде, кунаклар өчен экскурсия уздырды.
Исегезгә төшерәбез: Бөрбаш авылында 2018 елның беренче сентябрендә реконструкцияләнгән бинада малайлар өчен пансионат ачылды. Аның төп максаты – балаларны киләчәктә дини уку йортларында укыту өчен рухи яктан тәрбияләү.
Пансионат Татарстанның күпбалалы һәм азкеремле гаиләләреннән 30 малайга исәпләнгән. Көндезге вакытта алар дөньяви мәктәптә белем алалар, ә кичен һәм ял көннәрендә рухи-әхлакый тәрбия буенча факультатив дәресләргә йөриләр. Кием-салым, канцелярия товарлары, яшәү һәм туклану бушлай бирелә.
Фото: автор
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев