Сездән — сорау, бездән — җавап

Сорауга Балтач үзәк мәчете имам-хатыйбы Рамил хәзрәт Бикбаев җавап бирә.

 Хәзер Рамазан ае җитә. Мине борчый торган бер мәсьәлә — мин уразада сәхәргә тора алмыйм. Сәхәрсез ураза дөресме?

— Хәзерге вакытта сәхәргә тору вакыты җәй айларында кебек үк бик иртә түгел, ураза тотарга җиңел, җайлы вакытларга керәбез. Әлбәттә, сәхәргә тору ул иң хәерлесе. Сәхәр вакытында ашамасаң да, су эчеп, ниятеңне әйтеп ятсаң — хәерле булыр. Әгәр дә кеше сәхәргә тора алмый икән, кичтән аның уразага керү нияте нияттән санала, тоткан уразасы дөрес була.