Хезмәт

Тәүбәгә юл ачык

Пәйгамбәребез (с.г.в.с.) бер хәдистә менә шундый хәл турында сөйли: "Безгә кадәр яшәгән кавемнәр арасында шундый кеше бар иде, ул үз гомерендә 99 кешене үтергән. Соңыннан тәүбәгә киләсе килеп, үзенә җавап алу өчен иң күп гыйбадәт кылучыны эзләгән.

Аңа: "Менә бу авылда күп гыйбадәт кылучы бар, син аннан сора", - дип җавап бирәләр. Ул аның янына бара да: "Әгәр дә бер кеше 99 кешене үтергән икән, Аллаһы Тәгалә аның тәүбәсен кабул итәме?" - дип сорый. Теге кеше аңа: "Юк", - дип җавап бирә. Мондый җавап алган адәм: "Мин инде 99 кешене үтердем, 100 булсын", - дип, бу кешене дә үтереп китә. Соңыннан ул иң күп белүче кешене эзли башлый. Аңа бер галимгә барырга киңәш итәләр, юлны күрсәтәләр. Ул бу галимгә килгәч: "Әгәр дә бер адәм 100 кешене үтергән икән, Аллаһы Тәгалә аның тәүбәсен кабул итәме?" - дип сорый. Галим: "Әлбәттә, тәүбәгә юл бар. Аллаһы Тәгалә каршына тәүбә белән кайтуны беркем дә тыя алмый. Әгәр дә син моны телисең икән, торган урыныңнан, бандитлар, фасыйхлар арасыннан, чиста, пакь җиргә чыгып кит. Аллаһы Тәгаләгә ышана торган кешеләр белән гыйбадәт кыл, башка беркайчан да бу җиргә кире кайтма", - ди. Һәм бу кеше галимнең киңәшен тыңлап, башка урынга чыгып китә.

Дөньяда әле бер изгелек тә кылмаган кеше, үз теләге белән изгелек кыла торган кешеләр янына китә. Тик юлда әҗәле җитеп, үлеп кала. Аның җанын алырга рәхмәт һәм газап фәрештәләре киләләр. Рәхмәт фәрештәләре: "Бу безнең җан, аны без алырга тиеш. Чөнки ул изгелек юлына бара иде", - диләр. "Юк, бу кешене без алып китәргә тиеш, чөнки ул үз гомерендә бер изгелек тә кылмаган", - ди газап фәрештәләре. Аллаһы Тәгалә шул вакытта бер фәрештәне җибәрә. Ул фәрештә: "Сез үлчәп карагыз, бара торган юлы күпме калды һәм үткән юлы ничә чакрым.
Кайсысына якын булыр, шул фәрештәләр алып китәр", - ди. Үлчәп карагач, изгелеккә якынрак була һәм аны рәхмәт фәрештәләре алып китә".
Аллаһы Тәгалә Коръәндә: "Алдагы кавемнәрнең кыйссаларында гакыл ияләренең бик хикмәтле сүзләре бар", - ди ("Юныс" сүрәсе, 111нче аять). Галимнәр мөселманнарны өч төркемгә бүлгәннәр.

Беренчесе - Аллаһы Тәгалә газаплаучы, җәһәннәм утына ыргытучы дип уйлаучылар. Болар адашкан кешеләр, чөнки Аллаһы Тәгалә - рәхмәт иясе. Ә газапка Ул тормышта рәхмәткә ирешмәгәннәрне генә дучар итә. Аллаһы Тәгаләнең рәхмәте газапка караганда 10 мәртәбә артыграк.
Икенчеләр - Аллаһы Тәгаләне гафу итүче дип уйлаучылар. Кеше гомер буе намаз укымаган, гыйбадәт кылмаган, аракы эчкән, зина кылган, ә үзен: "Тәүбә кылмыйча да Раббым гафу итәр", - дип тынычландыра.

Өченчеләр - Аллаһы Тәгаләнең сөекле коллары. Алар турында Раббыбыз: "Дөреслектә, золым кылып, үзләренең хаталарын аңласалар, бу хатаны башка кабатламасалар, хәрәмнәрдән туктасалар, Аллаһы Тәгалә янына тәүбә белән кайтсалар, Аллаһы Тәгалә аларның үкенүләрен кабул итүче", - ди.

Раббыбыз - Үзенең рәхмәтләрен бу кешеләргә бирүче.

Югарыда язылган кыйссаларны өйрәнеп, ишетеп, укып, безгә гыйбрәт алырга кирәк. Бу хәдистән без, иң беренче чиратта, тәүбәгә килү турында уйларга тиеш. Аллаһы Тәгалә безгә юлын да, җаен да, мөмкинлеген дә бирә. Әҗәлебез җиткәнчегә кадәр тәүбәгә килергә ашыгыйк.

Бу хәдис безгә кеше үтерүчене аклар өчен сөйләнелмәгән. Чөнки Исламда кеше үтерүчегә җәза - ул үлем. Хәтта Согуд Гарәбстанында гел мөселманнар яшәсә дә, үтерү очраклары бу илдә дә бар һәм җинаятьчене бөтен кеше алдында үтерәләр. Тик ул тәүбәгә килсә, кылган гамәленә чың күңелдән үкенсә, Кыямәт көнендә ниндидер җәзасын алса да, бәлки Аллаһы Тәгаләнең рәхмәтенә ирешер. Хәдиснең дә асылында һәр кеше тәүбәгә килә ала, Раббысының рәхмәтенә өмет итә ала дигән мәгънә ята.

Безнең нинди гамәлләр кылуыбыз кем арасында яшәвебезгә дә бәйләнгән. Татарларда шундый әйтем бар: "Кем арбасына утырсаң, шуның җырын җырлыйсың". Шуңа күрә мөселман кешесе мөселманнар арасында яшәргә тиеш. Мөселманнар белән кәсеп кылырга, мөселман кешедән гыйлем алырга, үзара дус булырга.

Шулай ук бу хәдистәге тагын бер дәрес - ул гыйлем иясенең дәрәҗәсе гыйбадәт кылучыныкыннан берничә мәртәбә зуррак икәнен күрсәтә. Чөнки ул гыйлемгә таянып, дөрес аңлатмалар, киңәшләр бирә. Бу безнең өчен бик мөһим.
Фаиз хәзрәт Мөхәммәтшин,
Удмуртия мөфтие.
Фото: vk.com

Реклама
Теги: 250
Нравится
Поделиться:
Реклама
Комментарии (0)
  • 18 января 2018 в 16:01
    "Олимпиада ачылышы"ның репитициясе - иҗат концерты_4
  • Балтачтагы "Дулкын" бассейны
  • Республиканың "Наз" хәйрия фонды Балтачның бертөркем баласына "Яңа ел тамашасы" бүләк итте
  • Балтачта җитәкчеләр ярышты
  • Район башлыгы Рамил Нотфуллин призына үткән көрәш ярышлары (1көн)
  • Норма урта мәктәбенең 100 еллык юбилей кичәсе
  • Балтач районында ЗАГС хезмәткәрләре хөрмәтләнде
  • Балтачта "Төнге чаңгы юллары" яңа сезонын ачты
  • 9 декабрьдә башкалада узган авыл хуҗалыгы ярминкәсеннән фоторепортаж
  • Районда терлекчелек өлкәсендә 11 айлык эш нәтиҗәләренә йомгак районнныӊ «Уӊыш» хуҗалыгында ясалды
  • Балтачның “Ватан сакчылары” һәйкәлендә тагын бер флаг күтәрелде
  • Балтач балалары коррупциягә кршы көрәшә
  • Нылкышно-анай куинь полэс дано
  • "Хезмәт"сез яшәп булмый ди карилелеләр
  • Балтачта Мәүлидкә Пәйгамбәрнең чәч бөртеген алып кайтканнар (+фоторепортаж)
  • Каратэ-кекусинкай соңгы елларда районыбызда зур популярлык казана (+фоторепортаж)
  • "Мудорвай" республиканской конкурс ортчиз
  • "Татарстан" хуҗалыгында районда сөт җитештерү турында җитди сөйләшү булды (+фоторепортаж)
  • “Салават күпере” балалары әниләрен бәйрәм белән котлаган
  • Балтачта Әниләр көне уңаеннан, “Ак чәчәкләр сезгә, ак җаннар” дип исемләнгән бәйрәм оештырылды
  • Балтачлылар ярминкәсе республикада югары бәяләнә (+фоторепортаж)
  • Римма Ратникова Балтачта "Бердәм Россия" сәяси партиясенең конференциясендә катнашты
  • Тимирязев исемендәге җәмгыять призына татарча көрәш ярышларыннан фоторепортаж
  • "Сельхозтехника" призына узган волейбол ярышлыры
  • "Чираттагы ярминкәгез дә, яхшы оештырылган" дип бәя бирделәр казанлылар
  • Крокодилның теше сызласа, нишләргә? яки тәрбиячеләр бала сәламәтлеге турында сөйләшә (+фоторепортаж)
  • Балтачта "Ат ил күрке" бәйрәм тамашасы узды.
  • 9 май - парад