Балтач районы Бөрбаш авылындагы "Ярдәм" пансионаты сентябрьдә ачыла
Быел уку елына 24 бала кабул ителер дип көтелә.
(Казан, 30 май, "Татар-информ"). Балтач районы Бөрбаш авылында мөселман балалары өчен "Ярдәм" пансионаты быел сентябрь аенда ачылачак. Бу хакта журналистлар өчен оештырылган ифтарда Татарстан мөселманнары Диния нәзарәте рәисе, мөфти Камил хәзрәт Сәмигуллин хәбәр итте.
Аның сүзләренчә, быел уку елына 24 бала кабул ителә.
Пансионат Татарстандагы аз керемле һәм күп балалы гаиләләрдәге мәктәп яшендәге 30 ир-бала өчен хезмәт күрсәтәчәк. Биредә балаларга рухи тәрбия бирү, киләчәктә ислам дине өлкәсендә эшли алачак кадрларны әзерләү максатын күздә тота. Балалар барлык кирәк-ярак кием-салым, уку әсбаплары белән тәэмин ителәчәк. Мөселман пансионатын тәмамлаучылар Россия ислам институтында һәм Болгар Ислам академиясендә укуларын дәвам итә алачак.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев