Чәчне күчереп утырту рөхсәт ителәме?

Җавап: Сүз хәтта үз чәчләреңне күчереп утырту турында барса да, бу тыелган. Башка төрле фикерләр булса да, бүгенге көндә бу күпчелек Фәкиһләрнең карашы. Моңа кешенең тумыштан булган үзенчәлеге итеп карасак, аның тыелган булуына инанабыз.

«Нәрсә киңәш итә аласыз?» - дип сорыйсыз. Беренчедән, чәчләр коелуы кеше өчен ниндидер психологик проблемалар сәбәбенә әверелергә тиеш түгел. Дөнья да чәч коелудан интеккән, пеләш кешеләр чәчләре яхшы булган кешеләргә караганда күбрәк. Кеше башын каплап йөрергә тели икән, аңа түбәтәй киеп йөрергә киңәш итәргә мөмкин. Без башка ысуллар тәкъдим итә алмыйбыз. Ә Аллаһка яхшырак мәгълүм.

Камил хәзрәт Сәмигуллин

ТР мөфтие

«Шура» журналы, 2017 ел, №19