«Хатлар йорты» Рамазан аена мөселман открыткаларының беренче сериясен чыгарды
Оештыручылар татар колоритлы сигез открытка ясаган.
«Хатлар йорты» берләшмәсе Рамазан аена багышланган открыткалар сериясе әзерләде.
«Мөселман сериясе генә ясауны максат итеп куймадык. Аны татар колоритлы итеп эшләргә теләдек. Ислам — дөнья дине ул, татарларда исә ул милли атмосфера белән берләшеп, кабатланмас яңгыраш таба, аны визуаль детальләрдә күрсәтеп була», — диләр оештыручылар.
Рәсемнәрне Сарман районыннан Алия Йосыпова ясаган. Җыелмада сигез открытка бар. Аларны республиканың мөселман брендлары белән бергәләп ясаганнар. Бу «Тантана» банкет залы, «Гүзәлем» яулыклары, алып баручы Марсель Әхмәдуллин, «Камали» косметикасы, «Эмиз» эликсиры.
Подробнее: https://tatar-inform.tatar/news/society/23-04-2021/hatlar-yorty-ramazan-aena-bagyshlangan-otkrytkalar-chygardy-5820843
Тулырак: ТИ
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев