Куныр авылында Ифтарны мәчеттә үткәрәләр (+фото)

Куныр авылында исә аны һәркөн мәчеттә генә үткәрәләр икән.

- Авыз ачтыртасы гаилә Ифтар ашын мәчеттә генә әзерли. Бөтен уңайлылыклар да бар. Савыт-сабасы, газ плитәсе барысы да мәчетнеке. Авылыбыз бик зур, шуңа да, көне буе ураза тоткан кешегә авылның бер башыннан икенче башына кадәр бару бик уңайсыз. Шуңа да Ифтар ашын мәчеттә генә үткәрүне гадәткә кертеп җибәрдек. Ураза тотучыларарасында яшьләрнең булуы да куанычлы хәл. бик сөенәбез. Тәравих намазына да халык күп килә, хатын-кызлар да күп йөри, - ди Тәгъзимә Сәгтдинова.

Тәгъзимә апа үзе беренчеләрдән булып Ифтар ашы уздыручылардан. Шушы көннәрдә Рәйсә һәм Котдус Идрисовлар гаиләсе дә мәчеткә йөрүчеләр өчен Ифтар мәҗлесе уздырган. Мәҗлестә Рафис хәзрәт Гарифуллин вәгазь сөйләгән, бар халык бергә намаз укыган. Ифтарга килгәннәр үзләренә күрсәтелгән хөрмәт-игътибардан бик канәгать калган.