Курмалада ифтар узган. Кемнәр уздырган? (+фото)

Мәчет диварлары артында мөселман кардәшләр җыйналышып авыз ачкан, җәмәгать белән ахшам, ястү, тәравих намазлары укып, Изге Коръән аятьләрен тыңлап, догалар кылып, гыйлемле имамнарның вәгазьләре белән вәгазьләнеп уздырган бәрәкәтле, хәерле, саваплы кичләрнең быел тагын да артуы бик сөенечле күренеш. Кичә Курмала авылында да Ифтар мәҗлесе уздырдылар. Авыл кечкенə генə булса да, халкы бердəм, тату, эшчəн. Белми əйтмəгəннəр шул,  кечкенə генə булса да,эче төш кенә, дип.

- Мəчетебез кечкенə генə булса да, əллһəмдүлиллəһ Аллаһ телəгəн, чакырган бар кешедə сыйды. Бөтен авыл жыелып, туганнар якынаеп ифтар мəжлесен үткəрдек. Рашид хəзрəт үзенең үтемле вəгазьлəре белән күңеллəрне тетрəндерде. Пəйгамбребез с.г.в. Ифтар мəҗлеслəренə җыйналыгыз, араларыгызны якынайтыгыз, дип юкка гына əйтмəгəн. Туганлык, дуслык жепселлəрен ныгытуны телəгəн, – ди ифтар мәҗлесен оештыручылар.