Кыямәт көне алды билгесеме?

Кыямәт көне алдыннан ирләрнең саны кимер, хатын-кызларның саны, киресенчә, артыр, дигәнне ишеткәнем бар. Бу чыннан да шулаймы? Бүген нәкъ шундый картина... Бу кыямәт көне алдының бер билгесеме?

Р.Г.

Рамил хәзрәт Бикбаев җавабы: “Әбү Муса риваять кыла: “Рәсүлуллаһ (с.г.в.): “Син әле ирләрнең саны кимеп, хатын-кызларның ишәеп китүен һәм бер ир артыннан кырык хатын-кыз йөргән вакытны күрерсең”, – диде.

Әнәс радый Аллаһу ганһы риваять итте. Сезгә үзем Рәсүлуллаһтан ишеткән бер хәдисне әйтәсем килә: “Кыямәтнең якынаюын күрсәтүче билгеләрнең берсе шул булыр: Ислам диненә игътибар кимер, җаһиллек көчәер, зиначылык артыр һәм ир-атларның саны кимер, хатын-кызларның саны күбәер, хәтта илле хатын-кызга бер генә ир-ат туры килә торган булыр”.

Фото: pixabay.com/ru