Намазны еш кына вакытында үтәп булмый...

Бигрәк тә җәен, авыл җирендә, эш көчендәге кешегә. Ашыкканда алдан укырга ярыймы, каза кылганда фарызларны гына укыргамы? Өйлә һәм ахшам намазында ике урынына дүртәр сөннәт укысаң, савабы күбрәк диләр, дөресме?

Сорауга Рамил хәзрәт Бикбаев җавап бирә:
– Намаз үз вакытында укылырга тиешле. Алдан да, вакыты кергәнче һәм, калдырып, соңыннан уку да дөрес түгел. Иман зәгыйфьлеге сәбәпле яки билгеле бер олы, җитди гозер белән намаз кичектерелсә, фарызы гына укыла, каза кылына. Өстәмә нәфел намазларына килгәндә, аларны иртәнге ике, өйләнең дүрт, ике, ахшамның, ястүнең ике сөннәтләреннән тыш, рөхсәт ителгән вакытларда, ягъни кояш чыкканда һәм кояш баеганнан, зәвәл вакытларыннан тыш укырга мөмкин.