Рөстәм Миңнеханов Галиев мәчетендә Корбан гаетенә багышланган бәйрәм намазында катнашты
Казанның Галиев мәчетендә Ид әл-Адха – Корбан бәйрәме уңаеннан бәйрәм намазы узды.
Татарстанлыларны Корбан бәйрәме белән Татарстан Республикасы мөфтие, Татарстан Республикасы Мөселманнары диния нәзарәте рәисе Камил хәзрәт Сәмигуллин котлады.
«Сез, дин кардәшләрем, Аллаһы Тәгаләнең чиксез рәхмәтен зур хөрмәт белән билгеләп үтүчеләр. Бүген без сезнең белән Бөек Корбан бәйрәмен каршылыйбыз. Сезне чын күңелдән әлеге бәйрәм белән котлыйм. Аллаһы Тәгалә бүген кылган догаларыбызны, корбаннарыбызны, изге гамәлләребезне кабул итсен һәм безне уттан коткарсын һәм барыбызны да җәннәткә алып килсен», — диде мөфти.
Ул Татарстан Республикасы Президенты Рөстәм Миңнехановның бәйрәм уңаеннан котлавын җиткерде. Республика җитәкчесе шулай ук бәйрәм намазында катнашты. Намаз пандемия шартларында барлык санитар-эпидемиологик таләпләрне үтәп узды. Мәчетнең үзендә мөселманнар социаль дистанцияне үтәп урнаштылар, мәхәллә кешеләренең бер өлеше мәчет ишегалдында намаз укыдылар.
Турыдан-туры трансляцияне «ТНВ Татарстан», «ТНВ Планета», «Хозур ТВ» телеканаллары һәм ТР Диния нәзарәтенең рәсми сайты алып барды.
Тулырак: ТИ
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев