Сез ураза тотасызмы?⠀

- Абзый, син уразада түгел мени?- дип кызыксынып сорыйлар.⠀
⠀
- Уразада. Мин су эчеп һәм ашап кына алам, дип җавап бирә. ⠀ ⠀

Егетләр тагын да аптырап, көлеп куялар.⠀
- Ничек инде шулай? Уразада, ә үзегез ашап-эчеп утырасыз?⠀
⠀
Абзый җавап бирә:⠀
- Мин гәйбәт сөйләмим, кешеләргә югарыдан карамыйм, беркемнән көлмим, кеше тикшермим, Аллаһны зекер итәм, беркемгә дә авырлык китермим...тик ашказаным авырту сәбәпле ач торырга ярамый. Ә сез үзегез ураза тотасызмы соң?- дип үзләреннән сорап куя.
⠀
Егетләр абзыйның сүзләреннән соң баш иеп куялар...⠀
- Юк шул, без ач кына торабыз, дип җавап кайтаралар! ⠀

Дөрестән дә без ураза тотуны ашамыйча тору дип кенә кузалдына китерәбез? Ә бит хакыйкатьтә, ураза тотканда ашаудан гына тыелып тору түгел, начар сүзләрдән, начар гадәтләрдән дә тыелырга кирәк! Якыннарга карата булдыра алганча мәрхәмәтле булып, авыр хәлдә булганнарга ярдәм итергә тырышырга кирәк! Йә рәхмәтле Раббыбыз безнең кимчелекле гамәлләребезне кабул итсәң иде инде.. Уразабыз ач торудан гына китмәсә иде? Шушы Изге айда Раббыбызның аеруча Рәхимле һәм Рәхмәтле вакытында, Аның ризалыгын алырга насыйп итсен..барчабызга да?⠀

Альбина Фазлыева, Балтач

Догалы йорт

Фото: pixabay.com/ru