Полицейскийлар Казанда, ә ...

Моңа Казанда узачак Универсиада сәбәпче. Погонлы тәртип сакчыларының бер төркеме анда тәртип сакларга җибәрелде. Арада участок инспекторлары да бар. Бер инспектор берничә участокка хезмәт күрсәтә хәзер. Шуңа күрә район эчке эшләр бүлеге халыкка тирә-юньдәгеләргә игътибарлырак булуларын сорый. Таныш булмаган чит-ят кешеләр күренсә, «кем булмас» дип үтеп китмәскә кирәк. Авылларда ферма, машина-трактор паркы территорияләрендә, җәмәгать биналары янында тәүлеклек дежур тору оештырылса да комачауламас. Һәркайда контроль барлыгын күреп торган карак чит әйбергә кул сузмас. Авыл кешеләре дә малларын озак вакытка караучысыз калдырмасыннар иде, арканда торамы ул, абзардамы? Җай чыкканын гына көтеп йөрүче озын куллы адәмнәрдән сакланыгыз.