Районыбызда 17 марттан 31 мартка кадәр «Бала – төп пассажир!» дигән акция үткәрелә

Аварияләрдә 5 баланың гомере өзелеп, 66сы төрле дәрәҗәдәге тән җәрәхәтләре алды. Узган елның шушы вакыты белән чагыштырганда үлүче балаларның саны 4кә, ә яраланучылар 8 балага арткан. Һәлак булучы 5 бала да машинада махсус тоту җайланмасыз йөртелгән булган. Балалар катнашында юл-транспорт фаҗигаләрен булдырмау һәм балаларның язгы каникуллары вакытында аларның куркынычсызлыгын тәэмин итү максатында 17 марттан 31 мартка кадәр «Бала - төп пассажир!» дигән акция үткәрелә. Акция вакытында балаларны махсус тоту җайланмасыз йөрткән һәм куркынычсызлык каешларын эләктермәгән шоферларга аеруча игътибар биреләчәк. Һәркемнең дә баласы үзенә бик кадерле, шуңа күрә балаларны машинага утырткач та аның куркынычсызлыгын кайгыртыйк, эш үткәч үкенерлек булмасын.