1 июнь – Халыкара балаларны яклау көне

Һәр ел саен июнь аеның тәүге көне Халыкара балаларны яклау көне буларак билгеләп үтелә.

Безнең балалар өчен — ул һәрвакыт иң күркәм һәм көтеп алынган көн, чөнки әлеге истәлекле бәйрәм мәктәпләрдә укулар тәмамланган һәм каникуллар башланган вакыт белән тәңгәл килә.

Балаларны яклау көненең аерым бер өстенлекле дата буларак билгеләп үтелүенең әһәмияте бик зур: балалар зурлар ярдәменә, аларның терәгенә, аңлавына һәм гаилә җылысына һәрдаим мохтаҗ. 

Кадерле балалар! Тәрбияле булып, өлкәннәр өчен ышанычлы терәк, туган илебезнең горурлыгы булып үсегез! Киләчәгегез якты, матур булсын, хыял-максатларыгызга ирешеп, тормыш юлыннан ныклы адымнар белән атлап баручы шәхесләр булып җитешегез! Сезгә күңелле каникуллар, бәхетле балачактан якты тәэсирләр алып яшәвегезне телим!