Балаң турында уйла

Алар юлга чыкканда үзләренең генә түгел, башкаларның да тормышына куркыныч янауларын уйлап та карамыйлар. Мәсәлән, 9 август көнне, кичке җиденче яртылар тирәсендә, Кече Лызи авылының үзәк урамында булган юл фаҗигасен генә алыйк. «Ока» машинасы шоферы, машина йөртү хокукыннан тыш, исерек килеш идарә иткәндә тизлекне сакламыйча, юлдан төшеп китә һәм газ баганасына килеп бәрелә. Машинада шофердан тыш 5 яшьлек кызы белән аның исерек хәлдәге әтисе дә була. Бала махсус утыргычка беркетелмәгән, шофер белән пассажир ир дә иминлек каешларын эләктермәгән. Нәтиҗәдә, шофер уртача дәрәҗәдә тән җәрәхәтләре ала, бала белән пассажир да җиңелчә яралана. Юлларда игътибарлы булсак һәм хәмер эчкән хәлдә руль артына утырмасак иде. Үзегез турында уйламасагыз да, балаларыгыз турында уйлагыз, әтиләр!