Хезмэт

Бер-бер артлы өй туйлары

6,14,19нчы июнь көннәрендә районыбыз җирлегендә гомер итүче Бөек Ватан сугышы чоры ветераннарына яңа йортлар тапшыру тантаналары булып узды.

Реклама

«Бөек Ватан сугышы ветераннарының торак шартларын яхшырту» программасы кысаларында салына торган өйләрне тапшыру әле дә дәвам итә. 6нчы июнь көнне Балтач бистәсеннән сугыш каһарманының тол хатыны Сания Шакирҗанова (рәсемдә) һәм Чепья авылында яшәүче Бөек Ватан сугышы ветераны исеменә тиңләштерелгән 1927нче елгы Антон Уразайкин, 14нче июньдә исә шулай ук чепьялылар, ирләре яу кырыннан кайтып вафат булган ветераннарның тол хатыннары, Мәмдүдә Нигамәтҗанова белән Матрена Гурьянова, ә 19ында Яңгул авылыннан Галия Закирова, Балтач бистәсеннән сугыш ветераны Гыйльван ага Гыйльмуллин һәм Чепья авылыннан Зәкия Зарипова белән Мәрьям Мөхәммәтҗановалар яңа нигезләрендә табын корып, район җитәкчелеге вәкилләрен каршы алдылар. Кунаклар арасында район хакимияте һәм башкарма комитеты җитәкчелегенең ихлас котлау һәм бүләкләрен тапшыручылар социаль яклау бүлеге җитәкчесе Алсу Гатиятуллина, район төзелеш һәм архитектура бүлеге җитәкчесе Илфат Сәгъдиев, һәр авылда да җирлек рәисләре, төзелеш оешмасы хуҗалары, ветераннарның элекке эш урыннарыннан килгән җитәкчеләр һәм һәрчак яннарында ярдәм кулы сузып торучы социаль хезмәткәрләрнең булуы да әлеге тантаналарга ямь өстенә ямь булды.
Ветераннарның шатлыктан балкыган йөзләре олы рәхмәт сүзләрендә дә чагылды. Алар шушы программа кысаларында үзләрен яңа, җылы, бар уңайлыклары булган өйле иткәннәре өчен җитәкчеләргә, төзүчеләргә изге теләкләрен кызганмадылар. Өлкәннәргә бу йортларда картлык көннәрен иминлектә, бәхет-шатлык белән үткәрергә язсын!

Теги: 250
Нравится
Поделиться:
Реклама
Комментарии (0)
  • 16 ноября 2017 в 21:11
    Балтачта КамАЗ янган
  • Тимирязев исемендәге җәмгыять призына татарча көрәш ярышларыннан фоторепортаж
  • "Сельхозтехника" призына узган волейбол ярышлыры
  • "Чираттагы ярминкәгез дә, яхшы оештырылган" дип бәя бирделәр казанлылар
  • Крокодилның теше сызласа, нишләргә? яки тәрбиячеләр бала сәламәтлеге турында сөйләшә (+фоторепортаж)
  • Балтачта "Ат ил күрке" бәйрәм тамашасы узды.
  • 9 май - парад