Хезмәт

Эшләр ничек бара?

Карадуган урта мәктәбен төзекләндерүгә, яңартуга тиешле вакытында - яз көне үк тотындылар. Инде менә җәй уртасы узып бара, биредә хәлләр ничек икән, дип, бу атна башында мәктәпнең үзенә юнәлдек.

Безне директор Гөлсинә Зарипова белән мәктәпне төзекләндерү-ремонт эшләренә алынган «Ильяс +» җәмгыяте мастеры Айдар Хафизов каршы алды. «Әле генә район башкарма комитетыннан комиссия килгән иде, озатып кына җибәрдек», - диделәр алар беравыздан. Шул арада авыл җирлеге башлыгы Ришат Нургалиев та килеп җитте.
Биредә башкарылырга тиешле төп эшләр үтәлгән диярлек - спортзал түбәсе ябылган, яңа тәрәзәләр куелган, беренче катта бүлмәләрнең электр системасын рәтләтеп бетерәсе, икенче каттагы уку кабинетларының ишекләрен куясылары бар. Бүлмәләрнең стена-идәннәре әти-әниләрнең көч-ярдәме белән буялган, түшәмнәр агартылган. Икенче катның коридорында пляждагы кебек, ком гына иде, түр башыннан плиткалар җәеп киләләр үзе. Спортзалның идәнен эшләргә «Игенче» җәмгыяте алынган, бәдрәф, душ керү бүлмәләрен бүлеп куйганнар, эшләп кенә бетерәсе бар.
Карап йөрсәң, тотынган һәрбер эшне җиренә җиткерәсе бар әле монда. «Әгәр кирәк икән, әти-әниләрне дә ярдәмгә чакыра алабыз. Рәхмәт аларга, булышырга әзер торалар», - ди Гөлсинә Фаиловна. Калган эшләрне башкарып бетерү өчен иганәчеләргә дә мөрәҗәгать иткәннәр.
Борчылып барган җиребездән күпмедер ышаныч белән кайттык. Директор да, мастер да, җирле җитәкчеләр дә мәктәпне уку елына өлгертеп җиткерәчәкбез, дип үзләре үк инана. Болай уртак фикердә торып, бердәм эшләсәләр, булыр, алла боерса.
Без килгән көнне биредә район башкарма комитеты җитәкчесе Рамил Шакиров та булып киткән иде. Фикерен белергә теләп, үзенә мөрәҗәгать иттек:« Район җитәкчелеге федераль бюджеттан каралган эшләрдән тыш, булган-булган укучыларга, мәктәп коллективына уңайлы шартлар да тудырылсын, дип, өстәмә эшләр дә билгеләгән иде. Әйтик, киенү-чишенү, душ бүлмәләре ясау, идән алыштырулар һәм башкалар... Сүз дә юк, вакыт бара, өлгертергә кирәк. Шәхсән үзем, төзүчеләр, мәктәп коллективы, әти-әниләр, җирле эшмәкәрләр ярдәме белән төзекләндерү эшләренең билгеләнгән вакытта төгәлләнәчәгенә ышанам.» Балалар учреждениесе буларак, ашык-пошык та эшләргә ярамый, чөнки сыйфат ягын да уйларга кирәк. Төзелеш эше дә җиңелләрдән түгел, шуңа күрә, авыр хезмәт башкарган эшчеләргә тел-теш тидерү гөнаһ булыр иде бәлки, тик шулай да сүлпәнлектән котылып, эш темпын, сыйфатка зыян китермичә, арттыру сорала.

Теги: 250
Нравится
Поделиться:
Реклама
Комментарии (0)
  • 22 май 2018 - 13:59
    Лилия Гарифуллина "Хезмәт"кә багышлап шигырь укый
  • “Балтач гүзәле” өчен тавыш бирү Бүгеннән “Балтач гүзәле” конкурсында катнашучылар арасында тавыш бирү башланды.
    3881 кеше тавыш бирде
  • Балтач урта мәктәбендә “Соңгы кыңгырау” чыңлады
  • Урта Көшкәт мәктәбенең көмеш кыңгырау чыңы җиһанга таралды
  • Сагышлы соңгы кыңгырау
  • Балтач гимназиясендә үткән “Соңгы кыңгырау”да район башлыгы да катнашты
  • Чепьяның 31 укучысы өчен көмеш кыңгырау соңгы тапкыр шалтырады
  • Сосна мәктәбендә узган "Соңгы кыңгырау" бәйрәме
  • Балтачтагы хәрби җыен
  • Балтач районы башлыгы гранты быел кемгә насыйп булды?
  • 100 ар ортчыса пумиськизы
  • Елабугаын экскурсия
  • Казанда «Бәллүр каләм» бәйгесе җиңүчеләрен бүләкләделәр
  • Илнур Шакиров призына шахмат ярышлары
  • Тимирязев иссемендәге хуҗалыкта чәчү эшләре
  • Район туристлары ялда
  • Таузар авылында узган "Уйнагыз гармуннар" фестивале - 13.05.2018
  • Покчи Лӧзя школалэн кизилиосыз
  • Балтачта Тукайны зурлап искә алдылар
  • Балтачта "Тукай көннәре"
  • Рәмис Насыйбуллин истәлегенә үткәрелгән баскетбол ярышлары
  • Бала күӊеленә ачкыч табучылар
  • Балтачта "Созвездие - Йолдызлык" фестивале талантларны барлый
  • Борнаклар елгасында бәйрәм
  • "Очрашуларны көтеп торабыз,әти-әни һөнәреннән үрнәк алабыз"
  • Йолдызлар “Йолдызлык”ка әзер
  • Балтач газчылары туган якка мәдхия җырлады
  • Балтач бистәсендә ярминкә
  • Пыжмара мәктәбе 100 еллыгын билгеләп үтте
  • ТР Мәгариф һәм фән министры Рафис Борһанов Чапшар күпфункцияле үзәгенндә булды
  • Балтач район Советының егерменче утырышында Татарстан Республикасы Мәгариф һәм фән министры Рафис Тимерхан улы Борһанов катнаша
  • Район хуҗалыкларында үтә торган хисап җыелышларының чираттагысы "Уңыш"та булды
Ночной режим