Хезмәт

Хат ташучы — авылым тоткасы

«Хат килгән, әйдә бие!», «Ни бирәсең, сөенче әйтәм, хат бирәм!», - дип әйтәләр иде элеккерәк елларда. Ә хәзер хат язышкан кешеләр дә сирәгәеп бара. Кәрәзле телефон, интернет, заманга яраклаштырыштан элемтә чараларының тәэсире бу.

Хат дигәч, кемгә ничек, ә миңа - иң элек маркасы булган, мөһер сугылган һәм адресатлары язылган конверт тоткан почтальон яки хат ташучы апа күз алдына килә. Бу балачактан ук күңелемә кереп урнашкан самими бер күренеш булып әле дә хәтердә яши. Хат ташучы һөнәренә ия кеше бүгенге көндә хат кына ташыймы соң?! Юк шул, аларга бик күп төрле вазыйфалар ышанып тапшырылган. Җилкәсенә аскан авыр сумкасында ниләр генә юк бит аның: газета-журналлары, хаты, телеграммалары, утка-суга, газга, торак өчен түләргә тиешле квитанцияләре... пенсия, субсидия тарату да аларның Вазыйфасына күчте. Һәр йортка кереп, вакытлы матбугатка яздыртып йөрүчеләр дә алар бит. Моң-зар катыш сүзләр белән чуарланган нотыкларны тыңларга да туры килә аларга кайвакыт. Тагын бер эш йөкләнгән: ул да булса, йортларга кереп йөргәндә товар, вак-төяк әйберләр белән сату итү эше. Шунлыктан, почта бүлекләре дә кибетне хәтерләтә: канцелярия, химия товарларын да, көнкүреш кирәк-яракларын да, кием-салымны да сатып алырга була биредән.
Хат ташучылар белән булган аянычлы вакыйгаларны да искә алып үтү урынлы булыр. Халык өчен хезмәт иткән җаннарның аяк астында бәла сагалый. Күләмле генә суммада акча йөрткән чаклары да була бит аларның. Һава торышының да нинди булуына карамастан, үз эшләрен җиренә җиткереп башкарырга тырышалар. Бүгенге көннең хат ташучысын авылның тоткасы дияргә дә буладыр. Чөнки төрле вазыйфаларны башкаруда бер карусыз көч куялар. Олы яшьтәге ялгыз гомер итүчеләрнең ярдәмчесе булуларын да искә алсак, аларга һәйкәл куярлык.
Һәйкәл димәктән, Татарстандагы элемтәчеләргә хөрмәтне әлегә Алабуга шәһәрендә генә күрергә була. Шәһәрнең почта бүлеге каршында телеграфчы егет белән хат ташучы кыз сыннары басып тора икән. Ә без, үз чиратыбызда, хат ташучыларга олы хөрмәтебезне һәм рәхмәт хисләрен белдереп, эшләрендә уңышлар теләп калабыз.
Хат ташучы турында язуым юктан гына түгел, чөнки газета-журналларга язылу тәмамланып барган чорда, өегезгә атна буена бер-ике генә булса да вакытлы матбугат килә, алар арасында«Хезмәт»ебез дә була икән, димәк, хат ташучы сезне дә игътибарсыз калдырмаган.

Рәсемдә: иң тырыш почтальоннар: Кили почта бүлекчәсе мөдире Алсу Сәләхова (алда) һәм хат ташучылар (сулдан уңга) Нәзирә Фәйзрахманова, Зөлфия Мәннанова.

Теги: 250
Нравится
Поделиться:
Реклама
Комментарии (0)
  • 22 май 2018 - 13:59
    Лилия Гарифуллина "Хезмәт"кә багышлап шигырь укый
  • “Балтач гүзәле” өчен тавыш бирү Бүгеннән “Балтач гүзәле” конкурсында катнашучылар арасында тавыш бирү башланды.
    3880 кеше тавыш бирде
  • Балтач урта мәктәбендә “Соңгы кыңгырау” чыңлады
  • Урта Көшкәт мәктәбенең көмеш кыңгырау чыңы җиһанга таралды
  • Сагышлы соңгы кыңгырау
  • Балтач гимназиясендә үткән “Соңгы кыңгырау”да район башлыгы да катнашты
  • Чепьяның 31 укучысы өчен көмеш кыңгырау соңгы тапкыр шалтырады
  • Сосна мәктәбендә узган "Соңгы кыңгырау" бәйрәме
  • Балтачтагы хәрби җыен
  • Балтач районы башлыгы гранты быел кемгә насыйп булды?
  • 100 ар ортчыса пумиськизы
  • Елабугаын экскурсия
  • Казанда «Бәллүр каләм» бәйгесе җиңүчеләрен бүләкләделәр
  • Илнур Шакиров призына шахмат ярышлары
  • Тимирязев иссемендәге хуҗалыкта чәчү эшләре
  • Район туристлары ялда
  • Таузар авылында узган "Уйнагыз гармуннар" фестивале - 13.05.2018
  • Покчи Лӧзя школалэн кизилиосыз
  • Балтачта Тукайны зурлап искә алдылар
  • Балтачта "Тукай көннәре"
  • Рәмис Насыйбуллин истәлегенә үткәрелгән баскетбол ярышлары
  • Бала күӊеленә ачкыч табучылар
  • Балтачта "Созвездие - Йолдызлык" фестивале талантларны барлый
  • Борнаклар елгасында бәйрәм
  • "Очрашуларны көтеп торабыз,әти-әни һөнәреннән үрнәк алабыз"
  • Йолдызлар “Йолдызлык”ка әзер
  • Балтач газчылары туган якка мәдхия җырлады
  • Балтач бистәсендә ярминкә
  • Пыжмара мәктәбе 100 еллыгын билгеләп үтте
  • ТР Мәгариф һәм фән министры Рафис Борһанов Чапшар күпфункцияле үзәгенндә булды
  • Балтач район Советының егерменче утырышында Татарстан Республикасы Мәгариф һәм фән министры Рафис Тимерхан улы Борһанов катнаша
  • Район хуҗалыкларында үтә торган хисап җыелышларының чираттагысы "Уңыш"та булды
Ночной режим