Хезмәт

Көн үзәгендә бала язмышы

Бер мизгелгә генә «Әнием, син кайда?!» дип өзгәләнеп-өзгәләнеп елаган сабый баланы күз алдыгызга китерегез әле. Сорау туа: «Ә әнисе кайда?! - ул баласын калдырып кичке «биләм»гә чыгып киткән... Кызганыч, бик тә моңсу күренеш килеп баса. Әйе, сүземне менә шушындый уйланулардан, йөрәк өзгеч ялгызлык халәтен сурәтләгән вакыйгадан башлавымның зур сәбәбе бар...

Реклама

31нче май көнне комиссия әгъзалары тарафыннан каралган барлык беркетмәләр дә ата-ана һәм бала арасындагы конфликтларга нигезләнеп төзелгән иде. Район эчке эшләр бүлегенең балигъ булмаган балалар белән эшләү бүлекчәсе инспекторлары, «Наз» халыкка социаль хезмәт күрсәтү үзәге белгечләре тарафыннан төзелгән беркетмәләрдә сүз, нигездә, киләчәк яшь буынның ваемсыз тормыш алып баруы хакында әйтелә. Мәсәлән, Норма авыл җирлегеннән 20 яшьлек гражданка А.М. 2 яшьлек улын әти-әнисе җилкәсенә калдырып, үзе рәхәт тормыш эзләп, шәһәргә чыгып китә. Баласының телефон аша «Әни, син кайда? Кайтасыңмы?!» дип өзгәләнеп чакыруы да яшь ананы газизенең күз яшьләренә битараф калып, хата ясаудан туктата алмый. Шулай ук бистәдә яшәүче, спиртлы эчемлекләр кулланып, тормышын кәеф-сафа корып үткәрүче, беркайда да эшләмәүче И. ханым да белем алырга теләмичә «шабаш»ка чыгып киткән улы турында хәбәрдар булмавы ачыкланды. Балигъ булмаган баласына бер үк вакытта әти дә, әни дә буласы урында әни кеше (алай дияргә яраса...) баласына тиешле дәрәҗәдә тәрбия бирмәүдә гаепләнә (5.35 маддәсе буенча). Ләкин, кызганыч, И. ханым комиссия утырышларына килүне дә кирәк санамый. Субаш авыл җирлегеннән Р. ханымның да «гаебе» - спиртлы эчемлекләр куллану аркасында, балигъ булмаган ике баласына тиешле тәрбия һәм иң кадерлесе - «ана назы» дигән бәһасез мәхәббәтне бирә алмауда. Әниләренең шешә белән «дус» булуларыннан оялып, балалар мәктәптә дәресләр дә кал-дыргалаганнар. Димәк, эш әкренләп Р. ханымны аналык хокукыннан мәхрүм итүгә таба «юл» алган. Комиссия әгъзалары аңа дәвалануга барырга дигән тәкъдим белән чыкса да, «Юк, бармыйм!» дип торган ана турында башкача фикер йөртеп булмый. Ә менә Дорга авылыннан Ш.Н. әфәнде комиссиядә учетта торучы мәктәп яшендәге кызының инде 4нче көн өйгә кайтмавын белдереп мөрәҗәгать итте. «Беркайдан да эзләп табып булмый, исәнме икән инде ул?..» дип йөрәк өзгеч хәсрәтен ирештерде әти кеше. Ә иң кызгандырганы һәм күңелне кузгатканы 5нче сыйныфта белем алучы кызның керсез күз яшьләрен «кабул итү» булгандыр. Әбисе-бабасы тәрбиясендә генә үсүче кыз «Әтине, әнине сагындым» дип, комиссия әгъзаларына башка республикада яшәүче әти-әнисен кайтартырга теләгән мөрәҗәгатен белдерде. Комиссия үз чиратында әлеге илчелеккә «күке» әти-әнинең кайтуларын соратып хат язарга ышандырды. Шулай шул, никадәр генә тырышса да, әби белән бабасы да, мәктәптә укытучысы да күңел көткән ата-ана назын биреп бетерә алмый...
Сүземне йомгаклап шуны әйтәсем килә, балигъ булмаган балалар белән эшләү һәм аларның хокукларын яклау комиссиясе балага 18 яше тулганчы аны кайгырта, киләчәк тормышы өчен борчыла, ә балигъ булгач ул ирекле, шул ук вакытта үзенең кылган гамәлләренә җавап тотучы гражданинга әверелә. Бу вакытта ул кайгыртучысын, яклаучысын һәм иң мөһиме һәрчак туры юлга өндәп торучы киңәшчесен дә «югалта». Менә бу «югалту» баланың зур тормышка аяк басуы белән аңлатыла. Үзен шәхес итеп тою һәм танытырга теләү теләге көчле булганга бала иреккә, мөстәкыйльлеккә омтыла, ә өлкәннәр киңәше артта кала. Еллар үтеп, КДНда учетта торучы балалар арасыннан да әти-әниләренең ялгыш адымнарыннан китүчеләр булмас, дип гарантия биреп булмый. Ата-ана өчен бала мәнфәгате, аңа дөрес тәрбия һәм белем бирү беренче урында торырга тиеш.
КДН комиссиясе

Теги: 250
Нравится
Поделиться:
Реклама
Комментарии (0)
  • 18 января 2018 в 22:11
    Сизнерын пенсионеръёсты шумпоттӥзы 14 январе пенсионеръёсты люказы гуртысь клубе Вуж Выль арез пумитан понна.
    49
    0
    1
  • 18 января 2018 в 21:16
    Тикшерелгән дини календарь бар Татарстан мөселманнары Диния нәзарәте тарафыннан әзерләнгән, тикшерелгән календарь – «Дини тәкъвим – 2018» 2017 елныӊ декабрь аенда дөнья күрде
    45
    0
    1
  • 18 января 2018 в 20:46
    Бассейн буенча тәкъдимнәр көтәбез Бүген район башкарма комитеты җитәкчесе Рамил Шакиров журналистлар белән очрашып, бассейн белән якыннан таныштырып, аның буенча йөргән имеш-мимешләргә нокта куйды.
    406
    0
    1
  • 18 января 2018 в 16:01
    "Олимпиада ачылышы"ның репитициясе - иҗат концерты_4
  • Балтачтагы "Дулкын" бассейны
  • Республиканың "Наз" хәйрия фонды Балтачның бертөркем баласына "Яңа ел тамашасы" бүләк итте
  • Балтачта җитәкчеләр ярышты
  • Район башлыгы Рамил Нотфуллин призына үткән көрәш ярышлары (1көн)
  • Норма урта мәктәбенең 100 еллык юбилей кичәсе
  • Балтач районында ЗАГС хезмәткәрләре хөрмәтләнде
  • Балтачта "Төнге чаңгы юллары" яңа сезонын ачты
  • 9 декабрьдә башкалада узган авыл хуҗалыгы ярминкәсеннән фоторепортаж
  • Районда терлекчелек өлкәсендә 11 айлык эш нәтиҗәләренә йомгак районнныӊ «Уӊыш» хуҗалыгында ясалды
  • Балтачның “Ватан сакчылары” һәйкәлендә тагын бер флаг күтәрелде
  • Балтач балалары коррупциягә кршы көрәшә
  • Нылкышно-анай куинь полэс дано
  • "Хезмәт"сез яшәп булмый ди карилелеләр
  • Балтачта Мәүлидкә Пәйгамбәрнең чәч бөртеген алып кайтканнар (+фоторепортаж)
  • Каратэ-кекусинкай соңгы елларда районыбызда зур популярлык казана (+фоторепортаж)
  • "Мудорвай" республиканской конкурс ортчиз
  • "Татарстан" хуҗалыгында районда сөт җитештерү турында җитди сөйләшү булды (+фоторепортаж)
  • “Салават күпере” балалары әниләрен бәйрәм белән котлаган
  • Балтачта Әниләр көне уңаеннан, “Ак чәчәкләр сезгә, ак җаннар” дип исемләнгән бәйрәм оештырылды
  • Балтачлылар ярминкәсе республикада югары бәяләнә (+фоторепортаж)
  • Римма Ратникова Балтачта "Бердәм Россия" сәяси партиясенең конференциясендә катнашты
  • Тимирязев исемендәге җәмгыять призына татарча көрәш ярышларыннан фоторепортаж
  • "Сельхозтехника" призына узган волейбол ярышлыры
  • "Чираттагы ярминкәгез дә, яхшы оештырылган" дип бәя бирделәр казанлылар
  • Крокодилның теше сызласа, нишләргә? яки тәрбиячеләр бала сәламәтлеге турында сөйләшә (+фоторепортаж)
  • Балтачта "Ат ил күрке" бәйрәм тамашасы узды.
  • 9 май - парад