Хезмәт

Көтеп алынган кунак

8нче июль «Рәсәй почтасы» көне буларак билгеләп үтелә. Вакытлы матбугатка язылу кампаниясен уңышлы төгәлләгән Балтач почта элемтәсе үзәге коллективы һәм авыллардагы почта бүлекчәләре хезмәткәрләре өчен бу көн икеләтә бәйрәм дияргә кирәк. Чөнки бәйрәмне алар зур уңышлар белән каршылый.

Күптән түгел кызу урак өстен хәтерләткән газета-журналларга язылу тәмамланды. Нәтиҗәләр куанырлык. Абунәчеләр «Хезмәт», «Ирек мәйданы», «Акчарлак»ка өстенлек биргән. Шулай ук «Безнең гәҗит» белән «Себерке»не дә яратып алдыручылар бар. Статистикага күз салсак, безнең районда инде 14 ел дәвамында тираж кимеми. Еллар дәвамында 28 мең тиражны бергә дә киметмәү олы мактауга лаек. Вакытлы матбугатка язылуда матур нәтиҗәләргә ирешкән хат ташучыларның хезмәтен югары бәяләргә кирәк. Аларның тырышлыгы бүген басу-кырларда иген өчен маңгай тирен түккән, хәләл көчен жәлләмәгән игенченең хезмәте белән тәңгәлләшә. Җир улы өчен бер бөртек ашлык ничек кадерле булса, вакытлы матбугатка язылу кампаниясендә һәр абунәче дә нәкъ шулай. Район почта элемтәсе үзәге җитәкчесе Гали Фәйзрахманов үз эшенә намус белән карап, вакыт белән исәпләшми эшләүче Салавыч һәм Чепья почта бүлекчәләре хезмәткәрләренең хезмәтен югары бәяли. Чөнки әлеге бүлекчәләр язылу кампаниясендә зур тырышлык куйган. Хәтта өйләргә барып яздыру да оештырганнар. Чепья почта бүлекчәсендә эшләреннән тәм табып, булсынга эшләүчеләр хезмәт куя. Күрсәткечләрнең югары булуы да, мөгаен, шуңа бәйледер. Раиса Мортазина үзе генә дә ни тора! Икенче өенә әверелгән почта бүлекчәсеннән ул лаеклы ялга китсә дә, аерылырга уйламый. 2004нче елга кадәр мөдир булып эшләгән Рая апа пенсиягә чыккач хезмәт юлын хат ташучы буларак дәвам итә. Җитәкчелек эшен бүгенге көндә сеңлесе Альбина Яковлева башкара. Раушания Мөхәммәтгалиева, Римма Камаева, Ирина Филиппова һәм Екатерина Зәйнуллиналарның хезмәтләренә дә тел-теш тидерерлек түгел. Мактауга лаек хезмәткәрләрнең тагын берсе - Түнтәр почта бүлекчәсеннән Әлфинур Якупова. Әлфинур апа гомеренең дүрт дистәсен почта хезмәтенә багышлаган кеше. Мөгаен, ул тормышын газет-журналлардан, хат-бандерольләрдән башка күз алдына да китерә алмыйдыр. Чөнки мәктәпне тәмамлагач ук башланган хезмәт юлы аны үз эшенең остасы иткән. Парта арасыннан ук почтага эшкә килгән Раушания Садыйкова үзе бер могҗиза. Раушания апа Шу-бан почта бүлекчәсе мөдире дә, үзе хат ташучы да. Өлгер, төгәл хезмәткәрне авылдашлары да тирән хөрмәт итә. Мөдирлек вазыйфасын башкаручы Кече Лызидан Галина Сергеева белән Нормадан Роза Мөҗиповалар озак еллар эшләүче мактаулы хезмәткәрләр. Салавыч Сәрдегәненә хезмәт күрсәтүче Дания Һидиятова белән Иске Салавыч авылының бер өлешен вакытлы матбугат белән тәэмин итүче Әлфия Рәхматуллиналар да үз эшләренең осталары. Тәмле телле, якты йөзле әлеге ханымнар газета-журналларны вакытында абунәчеләргә илтеп тапшыруны намус белән башкара. Бистәбез почтальоннары да төшеп калганнардан түгел. Озак еллар эшләүче Миңнегөл Сабирҗанова, Әлфия Әүхәдиева белән Әлфия Тимербаевалар җәйге челләдә дә, кышкы буранда да, язгы-көзге яңгырларда да газет-жур-налларны вакытында өйләргә китерә. Алар хезмәтеннән бистәбез халкы да бик канәгать. Билгеле булганча, почтальоннарның хезмәте вакытлы матбугат, пенсия өләшү белән генә чикләнми. Ваклап товар сату, коммуналь хезмәтләргә түләүләр кабул итү дә алар вазыйфасына керә. Шушы хезмәтләрнең нәфис затларыбыз җилкәсенә төшүен күзаллау белән почтальон хезмәтенең никадәр авыр һәм катлаулы булуын аңлыйсың. Димәк, аларга физик яктан гына түгел, рухи яктан да нык шәхес булу кирәк.
Ел әйләнәсе халык өчен игелекле хезмәттә булган, йортларыбызга шатлык-сөенеч алып килгән почта хезмәткәрләрен һөнәри бәйрәмнәре уңаеннан ихластан котлап, иң изге телә-кләребене ирештерәбез. Үтәсе юлларыгыз тигез, гомерләрегез бәрәкәтле, сәламәтлегегез нык булсын. Һәр өйдә көтеп алынган кунак булып, эшегездән тәм, тормышыгыздан ямь табып яшәгез.
Рәсемдә: Норма почта бүлекчәсе уңганнары: сулдан уңга Рәйсә Йосыпова, Гөлнара Хәкимуллина, җитәкчеләре Роза Мөҗипова, Мәрхәбә Котдусова.

Реклама


Рәсемдә: Бөрбаш почта бүлекчәсе фидакарьләре - сулдан уңга тәҗрибәле хезмәткәр Рузалия Гомәрова, җитәкчеләре Гөлнар Мөхәрләмова, Рәмзия Гафурова, Гөлнара Газизуллина.

Теги: 250
Нравится
Поделиться:
Реклама
Комментарии (0)
  • 20 января 2018 в 16:17
    Бертуган Әхмәдиевлар призына көрәш ярышлары ачылу тантанасыннан
  • Балтачтагы "Дулкын" бассейны
  • Республиканың "Наз" хәйрия фонды Балтачның бертөркем баласына "Яңа ел тамашасы" бүләк итте
  • Балтачта җитәкчеләр ярышты
  • Район башлыгы Рамил Нотфуллин призына үткән көрәш ярышлары (1көн)
  • Норма урта мәктәбенең 100 еллык юбилей кичәсе
  • Балтач районында ЗАГС хезмәткәрләре хөрмәтләнде
  • Балтачта "Төнге чаңгы юллары" яңа сезонын ачты
  • 9 декабрьдә башкалада узган авыл хуҗалыгы ярминкәсеннән фоторепортаж
  • Районда терлекчелек өлкәсендә 11 айлык эш нәтиҗәләренә йомгак районнныӊ «Уӊыш» хуҗалыгында ясалды
  • Балтачның “Ватан сакчылары” һәйкәлендә тагын бер флаг күтәрелде
  • Балтач балалары коррупциягә кршы көрәшә
  • Нылкышно-анай куинь полэс дано
  • "Хезмәт"сез яшәп булмый ди карилелеләр
  • Балтачта Мәүлидкә Пәйгамбәрнең чәч бөртеген алып кайтканнар (+фоторепортаж)
  • Каратэ-кекусинкай соңгы елларда районыбызда зур популярлык казана (+фоторепортаж)
  • "Мудорвай" республиканской конкурс ортчиз
  • "Татарстан" хуҗалыгында районда сөт җитештерү турында җитди сөйләшү булды (+фоторепортаж)
  • “Салават күпере” балалары әниләрен бәйрәм белән котлаган
  • Балтачта Әниләр көне уңаеннан, “Ак чәчәкләр сезгә, ак җаннар” дип исемләнгән бәйрәм оештырылды
  • Балтачлылар ярминкәсе республикада югары бәяләнә (+фоторепортаж)
  • Римма Ратникова Балтачта "Бердәм Россия" сәяси партиясенең конференциясендә катнашты
  • Тимирязев исемендәге җәмгыять призына татарча көрәш ярышларыннан фоторепортаж
  • "Сельхозтехника" призына узган волейбол ярышлыры
  • "Чираттагы ярминкәгез дә, яхшы оештырылган" дип бәя бирделәр казанлылар
  • Крокодилның теше сызласа, нишләргә? яки тәрбиячеләр бала сәламәтлеге турында сөйләшә (+фоторепортаж)
  • Балтачта "Ат ил күрке" бәйрәм тамашасы узды.
  • 9 май - парад