Хезмәт

Малайзиядән килделәр

Узган атнаның пәнҗешәмбесендә, ягъни 22 сентябрь көнне районыбызга гаять тә күркәм, мөхтәрәм кунаклар - Малайзиянең Пенанг штаты губернаторы Дато Абдул Рахман Абае, аның хәләл җефете Дато Маджимор Шариф, кызлары - кияүләре килде. Делегация составын­да шулай ук штатның биш - алты идарәчел компания директорлары, аларның хатыннары да бар иде.

Малайзиянең Пенанг штаты икътисадый яктан, аеруча сәнәгать өлкәсендә дөньякүләм алга киткән илләрнең берсе. Биредә тегү, электрон сәнәгать, каучук эшкәртү, барыннан да бигрәк, елга порты аша төрле илләр белән сәүдә итү уңышлы бара.

Делегациянең безнең якларга килүенең максаты - «Балтач» хәләл индустриаль паркы белән якыннан танышу иде. Алар биредә булдылар, алга таба нинди планнар корып яшәүләре белән якыннан кызыксындылар, паркта төзелеш алып барырга тиешле урыннарны җентекләп күзәттеләр, өйрәнделәр. «Ит» цехындагы җитештерүчәнлекнең хәләл стандартларга нигезлә­неп башкарылуы губернаторның күңеленә аеруча хуш килде, «Паркның киләчәге өметле күренә. Үзләре теләгән төзелешләрне башкарып чыгып, эшчәнлекләрен киңәйтә алачакларына има­ным камил», дип белдерде ул журналистларга биргән интервьюсында. Кайнар самса, «кияү» пилмәне, мантыйдан авыз итү кунакларга бик ошады. Алар әлеге ризыклардан ясалган ярым-фабрикатларны сатып ук алдылар. Аннан соң кунаклар Карадуган урта мәктәбенә юнәлде. Биредә аларны милли киемнәр кигән егетләр - кызлар каршылады, уку кабинетлары, укытучы­лар, укучылар, мәктәпнең ирешкән уңышлары, аларның кул эшләре, мәктәп яны бакчаларында җитештерелгән көзге уңыш белән таныштылар. «Карадуган Себер тракты», «Муса Җәлил» музейларында булдылар, биредәге экспонатларга, борынгы әйберләрнең сакланышына со­клану белдерделәр. Тыйнак укучылар белән аралашуны үзләренең фотоаппаратларына кат-каттөшерә-төшерә, кунаклар Нормадагы «Сельхозтехника» ашханәсенә юнәлде. Биредә аларны җыр - музыка, кунак сые көтә иде.

Делегация составында Татарстан Республикасының Кече һәм урта эшкуарлыкны үстерү ко­митеты рәисе, үзе дә Малайзия Халыкара Ислам университетын тәмамлаган, шунда ук җавап­лы хезмәтләр башкарган Линар Габделнур улы Якупов та бар иде.

Гомумән, ерак Малайзиядән үк гаиләсе белән килгән губернатор Балтачның төзеклеген, ма­турлыгын мактап, аның халкын, табигатен, эшчәнлеген, кунакчыллыгын ошатып китте.

Нравится
Поделиться:
Реклама
Комментарии (0)
  • 16 января 2018 в 19:45
    "Олимпиада ачылышы"ның репитициясе - иҗат концерты
  • Республиканың "Наз" хәйрия фонды Балтачның бертөркем баласына "Яңа ел тамашасы" бүләк итте
  • Балтачта җитәкчеләр ярышты
  • Район башлыгы Рамил Нотфуллин призына үткән көрәш ярышлары (1көн)
  • Норма урта мәктәбенең 100 еллык юбилей кичәсе
  • Балтач районында ЗАГС хезмәткәрләре хөрмәтләнде
  • Балтачта "Төнге чаңгы юллары" яңа сезонын ачты
  • 9 декабрьдә башкалада узган авыл хуҗалыгы ярминкәсеннән фоторепортаж
  • Районда терлекчелек өлкәсендә 11 айлык эш нәтиҗәләренә йомгак районнныӊ «Уӊыш» хуҗалыгында ясалды
  • Балтачның “Ватан сакчылары” һәйкәлендә тагын бер флаг күтәрелде
  • Балтач балалары коррупциягә кршы көрәшә
  • Нылкышно-анай куинь полэс дано
  • "Хезмәт"сез яшәп булмый ди карилелеләр
  • Балтачта Мәүлидкә Пәйгамбәрнең чәч бөртеген алып кайтканнар (+фоторепортаж)
  • Каратэ-кекусинкай соңгы елларда районыбызда зур популярлык казана (+фоторепортаж)
  • "Мудорвай" республиканской конкурс ортчиз
  • "Татарстан" хуҗалыгында районда сөт җитештерү турында җитди сөйләшү булды (+фоторепортаж)
  • “Салават күпере” балалары әниләрен бәйрәм белән котлаган
  • Балтачта Әниләр көне уңаеннан, “Ак чәчәкләр сезгә, ак җаннар” дип исемләнгән бәйрәм оештырылды
  • Балтачлылар ярминкәсе республикада югары бәяләнә (+фоторепортаж)
  • Римма Ратникова Балтачта "Бердәм Россия" сәяси партиясенең конференциясендә катнашты
  • Тимирязев исемендәге җәмгыять призына татарча көрәш ярышларыннан фоторепортаж
  • "Сельхозтехника" призына узган волейбол ярышлыры
  • "Чираттагы ярминкәгез дә, яхшы оештырылган" дип бәя бирделәр казанлылар
  • Крокодилның теше сызласа, нишләргә? яки тәрбиячеләр бала сәламәтлеге турында сөйләшә (+фоторепортаж)
  • Балтачта "Ат ил күрке" бәйрәм тамашасы узды.
  • 9 май - парад